Taeka n Rabakau 28:1 - Te B'aib'ara

¹ A biri nako aomata aika a buakaka ngkana bon akea ae e kakioia, ma a ninikoria kaanga te raian aomata akana a eti maiuia.

Taeka n Rabakau 28:1 ပူးပေါင်းရင်းမြစ်များ

Te Tua-Kaua 28:7

E na buokingkami te UEA ni kataenikaiia ami kairiribai ma ni kabirinakoia ni kauamaenakoia.

Taian Areru 53:5

Ma ane kam na taonaki n te maaku ae korakora ae akea n ai arona rimoa. Te Atua e na kamaenakoi riia aia kairiribai ana aomata ao ko na bon mamaa ngkana e aki butim'aiko te Atua.

Taian Areru 112:7

Akea makuna n rongorongo aika buakaka; E nene aan ana kaantaninga, ao e onimakina te UEA.

1.I-Tetaronike 2:2

ao n aron ae kam ataia, ti a tia ni kamarakaki ma ni b'ainikirinaki i Biribi, ma ti ninikoria iroun Atuara n taekina ana euangkerio nako imi ma te kekeiaki ae bati.

M'akuri 4:13

A mimi te koraki arei ngke a nora aroni Betero ma Ioane n ninikoria, ao ngke a ataiia b'a aomata n aki reireiaki. A ataiia ngkanne b'a a memena iroun Iesu ngkoa.

M'akuri 14:3

Ma ngaia are, a kamaniia B'auro ma B'arenaba ni maeka i Ikonio, n tataekina taekan te UEA ma te ninikoria. Ngke a karaoa aei, ao a anganaki iroun te UEA te kona ni karaoi kanikina ma m'akuri ni kamimii b'a ana b'ai ni kakoaua i bukin aia taeka are a taekinna i bukin ana akoi b'a e koaua.

Ieremia 20:4

Ane ko na maaku, ao ko na manga kakamaakuia raom. Ane ko na nooria kairiribai aika a tiringaki n te buaka. Ao i mwina, N na karaoa uean B'aburon b'a e na anai aomata ni kabane mai Iuta b'a taenikai, e na tiringiia tabem'aang ao e na katikitikiia tabem'aang nako B'aburon.

Nakoaia Ibonga 26:36

Ane kam na ruru ni maaku ni m'akaikain baan te aroka, kaanga te kabaang i abaia ami kairiribai.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

2.Uea 7:15

Ao a m'ananga nako i aon aia aoti m'aane akekei nakon te Karaanga are Ioretan. Ao a noori taiani kunnikai ma b'aai i aoni kawaia aika a tewenakoaki irouia kaain Turia ngke a tabe ni biri nako. Ao i mwiina, a oki n tuanga te uea b'aai ake a tia n noori.

Itaia 7:2

Ngke e roko te rongorongo n ana bareti te uea ae a bootaki ana taanga ni buaka Turia ma Iteraera, ao e a rangi ni maaku te Uea are Aati ma aomata ni kabane i Iuta ao a ruru kaanga taian aroka n tain te angibuaka.

Te Otinako 11:8

Ao e kabanea ana taeka Moote ni kaangai, “A na bane n roko am mataniwi nako iu ni boobaraaki i matau, ao a na buubutiai b'a N na kairiia nako au aomata ma ni m'ananga nako. Ao i mwiin anne, I a m'ananga nako.” Ao i mwiina, e kiitana te uea Moote ma te marakinnano.

Nakoaia Ibonga 26:17

ao N na tannako mai roumi, ao N na kariai ngkami b'a kam na kamaunaaki irouia taan eekinakoingkami. Ane kam na biritakaka n ongotaomi te bo ni buaka ngke bon tiaki te bo ni buaka.

Neemia 6:11

Ao I taku, “E aera ngkai N na biri nako ma ni karabaai i nanon te Tembora i bukin rawean maiu? I aki nako!”

Taeka n Rabakau 27:27

Ko konaa ni karaoa te tiiti ae e tau i bukin kaam'arakeaia kaain am utu ao am taani m'akuri ni kabane man ranin mamman te kooti.

Itaia 30:17

Ngkana ti tabeman b'a ti niiman ke ti temanna, e na bon tau i bukin kakioakiia teuana tengaa mai roumi. N tokina, ti nikiraia ake a reke maiuia bon ti tabeman aika a tiku n timoimoi kaanga kain te buraeki i aon te tabuki ae e rereua aona.

1.Uea 1:49

Ao a ruru ni maaku ana iruwa Atoniia ngke a ongo te rongorongo aei, ao a kabiri m'aakaia ni birinako.

Iobi 15:21

A na mena i taningana taiani karongoa aika kakamaaku, A na bane n rau aomata ao bon ti ngaia ae na aki karauaki i rouia kam'arua.

Taian Areru 53:6

E bia reke maiuia Iteraera mai Tion! Ai kukurei ra Iteraera ngkana E a manga kakab'aiaki iroun te Atua! Ana kim'areirei ana utu Iakob'a ao ana kukurei Iteraera.

Taeka n Rabakau 10:9

Kam na maiu ngkana kam kaakaraoa ae e raoiroi n taai nako ma kam na reke, ngkana e aki raoiroi maium.