Taeka n Rabakau 27:3 - Te B'aib'ara

³ A rawaawata atiibu ma taian tano, ma e rawaawata riki te uota n te kangaanga ae e karikia te nanobaba.

Taeka n Rabakau 27:3 ပူးပေါင်းရင်းမြစ်များ

Karikani B'aai 49:7

E na mena te maraia i nanon uniia, i bukina ngkai a rangi n tiritiri, ao i aon naba bonon nanoia, i bukina ngkai a rangi ni bee. N na kakionakoia mai aon abaia Iteraera. N na kauamaaeia i buakoia kaain aia kaainga.

Iobi 5:2

Te nanobaba ma te bakantang e na boni kona n tiringko iai.

Taeka n Rabakau 12:16

Bon te aro n nanobaba te aki konaa n taotaona unim; ao te aro ni wanawana aki tabeakinan te kamaamaaeaki.

Taeka n Rabakau 17:12

E aki kamaamate riki iraeakin natin te bea nakon te nanobaba ae e taningabono.

Taeka n Rabakau 27:2

Tai kamoamoako i bon iroum ke a kamoamoako tem'angina.

Taeka n Rabakau 27:4

E kamaamate te aomata ae e un, ma e a rangi ni kamaamate riki te aomata ae e babakantang.

Taniera 3:19

Ao e a rangi ni maraki nanon Nebukaneta, ao e a ura moana n un irouia Tiateraka, Metiaka ao Abeteneko. Ma ngaia are, e kanakoa ana taeka b'a e na kauraaki te ai ae itiua te tai kabuebuena nakon are boni kabuebuen ae e tataneiai te aba iai.

Warekaia Iteraera 22:27

Ma ngaia are, e a wene te aati. Ao e a rangi n un B'araam ao e anaa te kai n orea iai te aati.

1.Ioane 3:12

ao ti na aki katotonga aroni Kain are mairoun teuare buakaka, ngke e kamatea tarina. Ao e aera ngke e kamatea? B'a kioina ngke a bubuaka ana m'akuri, ao a raraoi ana m'akuri tarina.