Taeka n Rabakau 26:24 - Te B'aib'ara

²⁴ E karabai riki iango ni kam'ane ana taetaenikawai aika karewerewe te kairiribai

Taeka n Rabakau 26:24 ပူးပေါင်းရင်းမြစ်များ

Taeka n Rabakau 12:20

E rangi ni kam'aam'ane te nano ae e b'anga ni kewe, ma e uota te kukurei te iango ae e tamaroa.

Taeka n Rabakau 10:18

Kam konaa ni karabaa nanomi ni kairiribai ngkana kam taekina te kewe, ma bon te nanobaba ngkami ngkana kam touakina te kewe.

Taian Areru 41:6

Ngkana a roko ni kawarai ao akea nanon aia taeka; A kaikoi taekau aika aki raraoi, Ao a oti nako n taekin n taabo nako.

Taeka n Rabakau 14:8

Akea aia kangaanga aomata aika a wanawana ngkana a kakaaea kawaia, ma a waekoa ni bua aomata aika a nanobaba.

Taeka n Rabakau 12:17

E taekina te koaua n te bowi te aomata ae e raoiroi, ma bon akea te b'ai ae e na taekinna te aomata ae e buakaka b'a ti te kewe n taai nako.

Taeka n Rabakau 12:5

A iango n akoi aomata aika a raoiroi, ma kam na bon aki onimakina ana reirei te aomata ae e buakaka.

Taeka n Rabakau 11:1

E ribaia aomata nako te UEA aika a b'anganikewe, ma e tangiriia aomata aika a b'ab'aina te koaua.

Taeka n Rabakau 23:7

B'a aomata aika aron aikanne a tabe ni wawareka m'aitin ae kam a tia ni kanna. A na kaangai, “Anai ni kabane akana kam bon taku!” ma a bon aki nanona ane a taekinna.

Ieremia 9:4

Ieremia, a bane raraom ma am koraki n taekina te kewe i bukim, ma ngaia ae ko na aki onimakiniia.

Karikani B'aai 34:13

Ao a kaeka natin Iakob'a ake mm'aane nakon Tekem ma tamana are Amora n te aro ni m'am'anaai ke ni kewe, i bukina ngke e kab'ainranga Nei Rina are m'aneia teuare Tekem.

1.Tamuera 18:17

Ao n te tai teuana, ao e tuanga Tawita Tauro ni kaangai, “Ngkana ko ninikoria ni buaka n ana buaka te UEA i buku, ao N na kaieiniko ma natiu te aine are te karimoa are Nei Meraba.” Ma e iango i nanona Tauro ni kaangai, “I aki tangiria n tiringa Tawita, ma ngaia are, N na kanakoa b'a a na tiringnga kaain Biritia i buku.”

2.Tamuera 13:26

Ao e taku Abetarom, “Ao ngkana ko aki kan m'ananga, ko na kanakoa tariu are Amnon b'a e na raoniira.” Ao e titiraki Tawita ni kaangai, “B'a bukin tera ngkai e na raoningkami?”

2.Tamuera 13:27

Ma e kakorakoraa ni butiia, ni karokoa e a kariaia Tawita nakon Amnon ma natina m'aane ni kabane n raona Abetarom. Ao e katauraoa te baka ni kukurei Abetarom ae aia baka ni kukurei uea.

2.Tamuera 20:9

Ao e taku Ioaba, “Tamau ae Amata, ko uara ngkai?” Ao e taui buain Amata teuare Ioaba ni baina are te angaatai, b'a e aonga ni konaa ni kiitinna.

Neemia 6:2

Ao a kanakoa te rongorongo Taneb'arata ao Ketem, ni bubutiai b'a n na kaitibo ma ngaiia n te kaawa teuana. I ataia ae a na kataia ni kakaaea aia anga ni kam'aneai.

Taian Areru 12:3

Te UEA, katokiia aomata man aia taetae ni karang, Ao kaini wii ake a taetae ni kainikatonga, ake a kaangai,

Taian Areru 28:3

Tai uakinai nako ma akana iowawa, akana taetae ni wii-raraoi nakoia raoia, ma ribakiia ae raba i nanoia.