Taeka n Rabakau 26:21 - Te B'aib'ara

²¹ A karikirakea te kiriwe taani kakiriwe, kaanga ai aron te tib'aake ao te b'aa aika a karekea te ura.

Taeka n Rabakau 26:21 ပူးပေါင်းရင်းမြစ်များ

2.Tamuera 20:1

Ao e mena ikekei te tia kamangao man te baronga are Beniamin. Arana bon Tieba are natin Bikiri te m'aane. E katanga te bu b'a e na botiia aomata. Ao i mwiina, e taku, “Kaain Iteraera, Ai tiaki ara Uea Tawita are natin Iete te m'aane! Ti a nako n okiri mwengara.”

1.Uea 12:20

Ao ngke a ongo Iteraera ae e a oki Ieroboam, ao a butiia aomata ni kabane b'a a na boowi. Ao i mwiina ao a kanaanako wetean Ieroboam ao a karikia b'a uean Iteraera. Bon tii kaain te baronga are Iuta ae e teimatoa ni kakaonimaki nakon ana utu Tawita.

Taian Areru 120:4

kaniwangami bon taian kanoa ni kainikatebe aika rangi ni kakang taboia, aika kabuokaki n te m'akaro n ai!

Taeka n Rabakau 10:12

E karikirakea te kiriwe te riribai; ao e aki noora te kaairua ae a karaoia tabem'aang te tangira.

Taeka n Rabakau 15:18

Te kakai un e kariki kiriwe aika a bati, ma te tiku n rau e kanakoraoi ngurengure nako.

Taeka n Rabakau 29:22

E na karikirakea te ngurengure ao ni kariki buure aika a bati te aomata ae e nanorieta.

Taeka n Rabakau 30:33

Ngkana ko kakibea te rannimamma i bukin karekean te b'ata ao ko na karekea ae e raoiroi riki; ngkana ko orea b'airim, ao e na raraa ao ane ko na reke n te kangaanga ngkana ko tiku ma marakin nanom.