Taeka n Rabakau 24:6 - Te B'aib'ara

⁶ E reke taian tokanikai n taiani buaka man te kakauongo raoi nakon taeka n reirei ao karaoan taiani babaaire aika a m'aiti.

Taeka n Rabakau 24:6 ပူးပေါင်းရင်းမြစ်များ

2.Rongorongo 22:4

Bon i mwiin maten tamana, ao e bure Aatia nakon te UEA ngke e a manga rineia ana koraki Aaba tabeman b'a ana riki b'a ana taan iango. Bon aia taan iango ake a karekea te b'aka aei.

Taeka n Rabakau 11:14

Bon te uruaki tokin te kaawa ae akea ana taani kairiiri aika a wanawana; e na kaawakinaki te kaawa ae a m'aiti ana taani kairiiri aika a wanawana.

Taeka n Rabakau 15:22

A na bane ni kaairua b'aai nako ngkana akea te reirei ae e raoiroi e anai taian babaaire aika iangoaki raoi b'a a aonga n nakoraoi b'aai.

Taeka n Rabakau 20:18

Kakoaua raoi b'a e a reke iroum te taeka n reirei ae e raoiroi i m'aain karaoan am babaaire ke i m'aain waakinan am buaka.

Ruka 14:31

Ao ai antai te uea, ae tebwina tengaa m'aitin ana aomata, ae e na aki tekateka moa n iango i m'ain ae nako ni buakana te uea temanna, b'a tao e na kona aona, ngkana e roko teuarei ma raona aika uabwi tengaa ni buakaniia?

2.Timoteo 4:7

I a tia n rangi ni kekeiaki m'aaka, n te kekeiaki m'aaka ae e raoiroi; I a tia ni kabo biri m'aaka, ao I a tia n teimatoa i nanon te onimaki.