Taeka n Rabakau 24:16 - Te B'aib'ara

¹⁶ E ngae ngkana b'aka aomata aika a raoiroi itiua te tai, ana manga bon teirake naba, ma ngkana e oreaki te aomata ae e buakaka n te kabuanib'ai ao ai bon anne naba tokina.

Taeka n Rabakau 24:16 ပူးပေါင်းရင်းမြစ်များ

Karikani B'aai 19:35

Ao a manga kakoroa ni manging n te tairiki arei, ao e a manga wene ni bure neiere te bina ma ngaia. Ao e bon rangi ni manging naba Roota n te aro are e aki ataa te b'ai teuana.

Etita 7:10

Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Iobi 5:19

E na kamaiuko te Atua man te b'ai ae kamamate n te tai teuana ma teuana.

Taian Areru 34:19

A bati baika e karawaawataaki iai te aomata ae e raoiroi; Ma E kamaiua te UEA mani baikanne ni kabane.

Taian Areru 34:21

A na mate akana buakaka n aia m'akuri aika bubuaka; Ao a na karawaawataaki akana ribaia akana raoiroi.

Taian Areru 37:24

Ngkana e tata nako, ao e na aki b'aka. B'a E na taua baina te UEA.

Taian Areru 52:5

Ma ngaia ae E na urua arom ni kainikatonga te Atua; E na tauko ma te matoa ni katikiko nako mani mwengam; E na anaa maium.

Taian Areru 7:16

B'a e na boni b'akaraki ni mwin oin ana m'akuri ae e buakaka, ao e na ikoaki ni mwin oin ana iowawa.

Taian Areru 79:12

Te Uea, kaitiua te tai nakoia botannaomata booni mwin aia taetae n iowawa ni kabane nakoim.

Taeka n Rabakau 13:17

E konaa ni karaoiroi b'aai ke ni i kabuakakai b'aai nakoimi te aomata ae e na karokoa ami rongorongo.

Taeka n Rabakau 13:21

Kam ukoukora te kangaanga ngkana kam bure, ma kam na anganaki kaniwangami ngkana kam maiuakina te raoiroi.

Taeka n Rabakau 14:32

A uruanaki aroia aomata aika a buakaka n tain te kangaanga; ma e bon teimatoa naba n onimaki ane akea ana bure n tain te mate.

Taeka n Rabakau 24:22

Antai ae e ataia b'a tera te kabuanib'ai ae e na karokoa te UEA ke te tia tautaeka?

Taeka n Rabakau 6:15

Ma ane a na oreaki n taian kabuanib'ai aika a karina ao ane a na tiku n akea aia kaantaninga.

Ieremia 18:17

N na kamaenakoingkami kaanga bubun aontano ae e ukaki nako n angin mainiku, ngkana a buakaningkami ami kairiribai. Ao i mwiina, N na anga nuukau nako imi i nanon bongin te kabuanib'ai anne.

Ieremia 8:4

E taku te UEA: Kaain Ierutarem, kam na manga teirake ngkana kam tatanako ma ni b'aka, ao ngkana e bure kawaimi, kam na manga rairaki n oki.

Etekiera 7:5

Bon akea te aekaki ni kabuanib'ai ae e nang roko aei.

Amota 5:2

E a tia ni b'aka te ataeinaine ae Iteraera, E aki manga teirake riki! E wene ni kitanaki i aontano, Ao akea ae e na buokia ni kateirakea.

Amota 8:14

Kam na bane ni b'aka n aki manga teirake, ngkami ake kam berita n araia antin Tamaria, ake Taan, ao Beera-teba.

Warekaia Iteraera 32:23

Ma ngkana kam aki kakoroa bukin ami berita, ao kam na bure iai nakon te UEA, ao kam na katuaaeaki.

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.

1.Tamuera 26:10

Ngkai bon iai te UEA ae e maiu, ao I ataia b'a E na bon tiringa Tauro, tao ni bon ana tai ni mate ke e na mate n te buaka.

1.Tamuera 31:4

E taku nakon te rorobuaka are e uouota ana b'ainibuaka, “Ewarai n am kabaang, b'a a aonga n aki tiringai kaain Biritia aika akea atuaia aikai b'a a aonga n aki kakatonga iai ma n tiringai.” Ma e rangi ni maaku te rorobuaka arei ni karaoa arei. Ma ngaia are, e bon anaa ana kabaang Tauro ma ni kab'aka i aona i bon i rouna.