Taeka n Rabakau 23:3 - Te B'aib'ara

³ Kam na aki m'angainrang n taraan am'arake ni kabane aika a kangenge taraaia! A na bon aki rangi ni kangkang.

Taeka n Rabakau 23:3 ပူးပေါင်းရင်းမြစ်များ

Taian Areru 141:4

Ko na tukai mani kani karaoan ae buakaka, ao man raonakiia akana buakaka ni karaoi m'akuri aika bubuaka. N na aki am'arake ma ngaiia n aia tai ni bootaki.

Taeka n Rabakau 23:6

Tai kariaia te kakao n nako ni kana kanan te aomata ae e b'angantauti e aoria ngkana e rangi n raoiroi kanana.

Taniera 1:5

E anga ana taeka te uea b'a a na kakam'arakeaki mani kakamooaki n aron kanaia ao nimaia kaain ana bareti te uea ni katoa bong. Ao ngkana a koro tenua te ririki n te aro anne, ao a na manga kaotaki i matan te uea b'a e na nooriia.

Taniera 1:8

Ao e reke ana iango Taniera b'a e na aki kam'araea ni kang kanaia ao nimaia kaain ana baareti te uea, ake am'arake aika a kam'araa. Ma ngaia are, e a butiia Atibenati b'a e na buokia,

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

I-Ebeto 4:22

Kam na kaaki te aomata nikawai are aromi ni maiu ngkoa, are riki ni buakaka i bukin iran taian nano n kaib'ab'aru aika a m'am'anaa te aba.