Taeka n Rabakau 22:5 - Te B'aib'ara

⁵ E m'ananga i nanon te kawai te aomata ae te tia kewe ao e onrake n taiani b'ai ni kam'ane aika a kateketeke. Kararoako mai iai!

Taeka n Rabakau 22:5 ပူးပေါင်းရင်းမြစ်များ

Iobi 18:8

b'a e a manga bon uotia waena nako nanon te karaun, ma ni kab'aka nako nanon te kinono are te b'ai ni kam'ane.

Taian Areru 11:6

E na kab'aka te ai ma te bubu n ai ae korakora i aoia ake a bubuaka; ao E na katuuaia n te ang ae kabuebue.

Taian Areru 91:1

Ane katanna iroun te Atua ae Moan te Rietaata, Ane kamanoa iroun te Atua ae M'aaka,

Taeka n Rabakau 13:15

E neboaki te motinnano ae e raoiroi, ma i aoni kawaia nakon te kabuanib'ai aomata aika akea kanoan aia iango.

Taeka n Rabakau 13:3

Kaawakina te b'ai ae kam ataia i bon iroumi, ao kam na maiu; te b'arantiko, e na bon urua arom.

Taeka n Rabakau 15:19

Te maiu n taningaroti boni kaanga te nakonako n te tabo ae e uarereke ae e kateketeke, ma a nakonako aomata nako aika a kaakaraoa ae e raoiroi n te kawai ae e boraoi.

Taeka n Rabakau 16:17

E tuuki kawai aika a buakaka ana aomata te Atua, ao a kaawakiniia n tarataraa raoi kawaia are a nako iai.

Taeka n Rabakau 19:16

Ongotaeka nakon ana reirei te UEA ao ane kam na maiu ngkana kam aki ongotaeka ao ane kam na mate.

Taeka n Rabakau 22:4

Karinea te UEA ao m'akuri i bukina! Kam na anganaki te kaub'ai, teimatoan te maiu, ao te karineaki b'a kaniwangami

Taeka n Rabakau 29:6

A na manga bon raweiko am bure, ma akana a maiuakina te raoiroi a na anene mani bootaki ni kukurei.

Taeka n Rabakau 4:19

Katein maiuia aomata aika a buakaka kaanga ai aron te rotongitong ae e korakora, ao a na bon aki konaa n ataia b'a tera ae e toki waeia iai.

Iotua 23:13

ao E na bon aki manga kakioia nako botannaomata aikai mai m'aimi te UEA ae te Atua ngkana kam buakaniia. Ma ana riki b'a b'aai aika a na kakamaaku nakoimi n ai aron te kaini kab'aru ma te abea. Ao a na riki naba b'a b'aai aika a kammaraki n aron te kainikataere i nuukami ao te kateketeke i nanon matami, ao e na teimatoa n riki aei nakoimi ni karokoa banemi man te aba aei, ae E a tia n anganingkami te UEA ae Atuami.

1.Ioane 5:18

Ti ataia b'a ane bungiaki mairoun te Atua e aki bure; ma Teuare bungiaki mairoun te Atua E kawakinna, ao akea te kabuanib'ai ae na riki nako Ina mairoun teuare buakaka.