Taeka n Rabakau 22:23 - Te B'aib'ara

²³ Bon te UEA te tia tei i bukiia, ao te b'ai are kam karaoia nakoia, e na manga karaoia nakoimi.

Taeka n Rabakau 22:23 ပူးပေါင်းရင်းမြစ်များ

Taian Areru 103:6

A raraoi ana motikitaeka te UEA nakoia akana karawaawataaki ni kabaneia, Ao E buokiia ni katei raoi aroia.

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 12:6

Ana taeka te UEA bon taeka aika a kakoauaaki; ai aron te tirewa are kaburoburoaki itiua te tai m'aitina i nanon te nne ni kanaiai.

Taian Areru 140:12

Ara UEA, I ataiko b'a Ko ko tei i bukiia aika akea mwengaia ao ko taraa te motiraoi nakoia aika a maiu ni kainano.

Taian Areru 140:13

A na neboiko am aomata ao ana maeka ma ngkoe i bukina b'a a karaoa ae e raoiroi.

Taian Areru 35:1

Te UEA, Ko na un ma aiau n un, ao ekianako nako akana eekainako!

Taian Areru 35:10

N na taetae ma nanou ni koaua ni kaangai, “Akea n ai arom: b'a Ko kawakinia akana mamara mairouia akana korakora, ao akana akea aia b'ai mairouia akana b'ainikirina te aba.”

Taian Areru 43:1

Te Atua, Ko na kaota ae I eti, Tei i buku ni kaitarai bukinau irouia aomata aika akea karineam irouia; Kamaiuai mairouia aomata aika m'am'anaa te aba, aika babakanikawai.

Taian Areru 68:5

Te Atua, are maeka n ana Tembora are tabu, boni Ngaia ae tabeakiniia akana aki tabeakinaki irouia aia karo. Ngaia naba ae tei i bukiia aine akana mate buia.

Te Otinako 22:22

Kam na aki karaoa ae e aki raoiroi nakoia aine aika a mate buuia ke ataei aika akea aia karo.

Te Otinako 22:23

Ngkana kam karaoa anne, ao ane a na buubutiai buokaia, ao N na roko ni kamaiuia.

Taeka n Rabakau 21:7

Kam bon uruana aromi i bon iroumi ngkana kam iowawa man tiritiri ma n rawa ni maiuakina te raoiroi.

Taeka n Rabakau 23:11

E mena te Atua ae Moan te M'aaka ikanne ni kaawakiniia ao ni kaitarako.

Itaia 33:1

Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

Ieremia 30:16

Ma ngkana a kataia ami kairiribai ni kimoaingkami ke ni uruana aromii, ao N na manga kimoaia ma n uruana aroia, ao a na uotaki nako b'a taian taenikai nakon abaia ianena.

Ieremia 50:34

Ma bon Ngai ae te UEA ae Moan te M'aaka, ae N na kamaiuia ma ni kaawakiniia. N na kakoroa te rau i aon abaia ao N na karokoa te kangaanga i aon ami b'ai.

Ieremia 51:36

Au aomata, I mena n ami itera, N na kaoka te kai nakon B'aburon. N na korouaa ana ran ao e na m'autakataka ana karaanga n ran.

Mika 7:9

Ti na bon riai ni kariaia katuaeara iroun te UEA n te tai moa aei, b'a ti a bon tia ni bure nakoina. Ma n tokina, E na manga bon tei i bukira ni kamaiura, ao ni kaeti kaairuan m'akuri ake a tia karaoi nakoira. E na uotiira nakon te oota; ao ti na teimatoa ni maiu ngkana E roko ni kamaiura.

Ab'akuka 2:8

Ko a tia ni kurib'aia aomatan botannaomata aika a bati, ma ngkai uaake nikira ni maiu ana manga kurib'aiko i bukin am tiritiri, ao am iowawa nakoia aomatan aaba ma kaawa nako.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

1.Tamuera 24:12

Ke e motikitaekara te UEA b'a antai ae e bure mairoura! Ke E katuaaeko i bukin arom nako iu, b'a N na bon aki karaoa te b'ai teuana nakoim.

1.Tamuera 24:15

E na motikitaeka te UEA, ao e na kakaaea b'a antai mairoura ae e bure, Tera ngke e bon taraa te b'ai ae e riki, E na tei ibuku, ao E na kamaiuai mairoum.”

1.Tamuera 25:39

Ao ngke e ongo Tawita taekan Nab'ara b'a e a tia ni mate, ao e taku, “E na neboaki te UEA! E a tia n irantangaai mairoun Nab'ara i bukina ngke e kamamaaeai ao E kaawakinai b'a N na aki karaoa ae e buakaka. E a tia te UEA ni katuaaea Nab'ara i bukin ana m'akuri ae e buakaka.” Ao i mwiin arei, e karaoa ana kabutiman Tawita b'a e kan mare ma Nei Abikaira.