Taeka n Rabakau 22:16 - Te B'aib'ara

¹⁶ Kam ruuti ngkana kam kewea te aomata ae e maiu ni kainano ke kam anga te b'aintangira nakon te kaub'ai.

Taeka n Rabakau 22:16 ပူးပေါင်းရင်းမြစ်များ

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taeka n Rabakau 14:31

Ngkana kam karaoa ae e aki riai nakon te aomata ae e maiu ni kainano, ao kam bon kamamaaea iai te Tia Karikib'ai; ma ngkana kam akoia, ao kam bon kaota iai karineana.

Taeka n Rabakau 28:22

Tai iaiangoia b'a ti ngkoe te aomata ma n rangi ni iangoia b'a ko na kaub'ai b'a ane ko na manga aki toronib'ai riki nakon are ko kaantaningaia.

Taeka n Rabakau 28:3

Ngkana e a manga onomwi te aomata ae e maiu ni kainano mani kairiia aika a maiu ni kainano ni karawaawataia, ao bon kaanga ai aron te karau ae e korakora ae e uruan aron uitan te tawaana.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Ruka 16:24

Ao e weteia ni kangai, “Tamau ae Aberaam! ko na nanoangaai, ao kanakomaia Rataro b'a e na kateboa taboni baina n te ran ao e na kam'aitoroa neweu, b'a I kainano ni maraki n uran te ai aei.”

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.