Taeka n Rabakau 22:12 - Te B'aib'ara

¹² E tarataraia aomata nako aika a iangoraoi te UEA, ma e aki kakoroi aia babaaire taani kam'anea te aba aika taani kewe.

Taeka n Rabakau 22:12 ပူးပေါင်းရင်းမြစ်များ

2.Uea 6:9

E katoa tai Eritai ni kaakanakoa ana kauring nakon uean Iteraera ni kaangai, “Kam na aki ri rarikin te tabo arei. Ane a tia ni katea aia kaemb'a tautian Turia iai.”

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Neemia 4:9

Ma ti bon teimatoa n tataro nako Atuara, ao ti kauateiia taan tei n te bong ao te ngaina.

Taeka n Rabakau 11:3

Ngkana kam karaoa te m'akuri ae e eti, ao e na riki maiuakinan te eti b'a te tia kairiko. Ma ngkana kam aonikai, ao kam na m'ane ni bon oin ami m'akuri n aonikai.

Taeka n Rabakau 22:11

Bon raoraoia aomata ni kabane aika a raoiroi aika a taetae n akoi te uea.

Taeka n Rabakau 22:13

Tai taningaroti n te aro are ko na kaangai, “I a aki nako ni m'akuri n au buakonikai b'a e kaawa ni kanai te raian!”

M'akuri 5:39

ma ngkana mairoun te Atua, ao kam bon aki kona n urua aia botaki. Tai kumeia b'a kam kaawa n noraki iai b'a kam buakana te Atua. Ao a ira nanon ana taeka Kamariera.

2.I-Tetaronike 2:8

ao i mwina ngkanne, e na kaotaki teuare te tia ri aon te tua, are e na kamateaki iroun te Uea are Iesu n ikeni wina, ma ni kamaunaki ni mimitongin rokona.