Taeka n Rabakau 21:4 - Te B'aib'ara

⁴ A kainikatonga aomata aika a buakaka ao a kamoamoa, ma bon akea riki arokaia ae a unikia i rarikin te bure.

Taeka n Rabakau 21:4 ပူးပေါင်းရင်းမြစ်များ

Iobi 18:5

E na teimatoa ni mauna maiun te aomata ae buakaka n ai aron ootan te taura, ao e na aki manga oki n ura.

Iobi 18:6

E karooaki tauran ana auti n rianna,

Taian Areru 10:4

E aki kan reitaki teutana ma te Atua te aomata ae buakaka; E taku n ana iango b'a akea te Atua.

Taian Areru 101:5

N na kamaunaa ane wirikiriki ni winantia raona; N na aki raoraona ane mata ni karietata ao e kainikatonga.

Taian Areru 131:1

Te UEA, I a tia ni kaaki kainikatongau, ao I toki man arou ni kamoamoa. I aki katabeai ma taekani baika kakannato ke baika kamimii nako iu.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Taeka n Rabakau 21:27

E aki tabeakin aia angab'ai aomata aika a buakaka ma aia iango aika a buakaka te UEA.

Taeka n Rabakau 24:20

A na waekoa ni bua kaanga uran te taura ae e toki urana.

Taeka n Rabakau 30:13

Ao tabeman a kainikatonga ao a karaoi aia m'akuri taani kamoamoa;

Taeka n Rabakau 6:16

Bon iai onoua ke itiua aekakiia aomata aika e ribaia te UEA:

Taeka n Rabakau 6:17

Aomata aika a kainikatonga ke ni b'anga ni kewe ke n tiriaomata,

Taeka n Rabakau 8:13

Ngkana ko karinea te UEA, ao ko na ribaa te buakaka. I ribaa te kamoamoa ao te kainikatonga ao te kewe ni kam'aam'ane.

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 2:17

Ngkana e roko te bong anne, ao a na bane aika a kamoamoa ni kab'akaaki. Bon ti te UEA ae e na neboaki.

Itaia 3:16

E taku te UEA: A kamoamoa ainen Ierutarem ao a aiwaa n aki akaaka, ma ni kamatararaoia. A karin i waeia b'aai aika a kekekeke ni katika mataia aomata n te kawai are a nakonako iai.

Ruka 11:34

Matam, kanga ai aron te taura i bukin rab'atam; ngkana e raoiroi matam, ao e buta rab'atam ni kabanea n te oota; ma ngkana e aki raoiroi, ao e buta rab'atam ni kabanea n te roo.

Ruka 18:14

Ao E taku Iesu, “I tuangngkami b'a e nako teuare te tia anai taekiti nakon ana auti ma raun nanona b'a a kab'araki ana bure, ma e aki reke aei iroun teuare te B'aritaio, b'a ane e karietata ao e na kamangoraki; ao ane e kamangoria ao e na karietataki.

I-Rom 14:23

Ma ane nanokokoraki ngkana e am'arake, ao e kabuakakaki iai i bukina b'a e aki karaoia ma te nano n onimaki; b'a te bae karaoaki ma te aki onimaki bon te bure.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”