Taeka n Rabakau 21:2 - Te B'aib'ara

² N tabetai, ti iangoia b'a ti karaoa ae e raoiroi, ma e atai baike inanora n taai nako te UEA.

Taeka n Rabakau 21:2 ပူးပေါင်းရင်းမြစ်များ

Iobi 31:6

Ke E katineai te Atua n te b'ai n tau rawawata ae koaua, ao E na noorai iai te Atua b'a bon te aomata ngai ae akea au bure.

Taian Areru 36:2

E kamoamoaa ni karangnga i bon i rouna, n ribaa oin aia bure ke ni bon noraki iai.

Taeka n Rabakau 12:15

A taku aomata aika a nanobaba b'a e raoiroi maiuia, ma e kakauongo raoi nakon taeka n reirei te aomata ae e iangoraoi.

Taeka n Rabakau 16:2

Ti na taku n ara iango b'a ti atai etin b'aai, ma bon te UEA te tia motikitaeka nakon oin bukin rikin baika ti karaoi.

Taeka n Rabakau 16:25

N tabetai te b'ai ae e taraa n raoiroi bon te kawai nakon te mate.

Taeka n Rabakau 17:3

E tuoaki te koora ma te tirewa n te ai ao a tuoaki nanora iroun te UEA.

Taeka n Rabakau 20:6

A m'aiti aika a kaangai, “Kam konaa n onimakinai!” Ma a boni konaa n onimakinaki?

Taeka n Rabakau 24:12

Tai kaangai, “I aki ataia!” E konaa n ataa nanom te Atua. E tarataraira ni tatabemaniira nako ao e atai ara iango. Ao e na manga kabooa mwiin are ti karaoia te Atua.

Taeka n Rabakau 30:12

ao tabeman a taku n aia iango b'a a rangi n raoiroi, ma a kam'araaeaki n aia bure.

Ieremia 17:10

Ma I atai baika kam a tia ni karaoi ma ami iango ao I kakoaua raoi b'a e na reke nako imi te b'ai are kam bon kaantaningaia.

Taniera 5:27

Te Rawaawata, Ko a tia ni katineaki n te b'ai n tau rawaawata, ao ko kuneaki b'a ko a rangi ni beebete;

Ruka 16:15

Ma E taku nako ia: Ngkami aika kam karaoiroingkami i mataia aomata, ma E atai nanomi te Atua; b'a te b'ai ae kakannato irouia aomata ao bon te b'ai ae ribaaki i matan te Atua.

I-Karatia 6:3

B'a ngkana e taku temanna n ana iango b'a e kakannato, ngke e bon aki, ao e burebureia.

Iakobo 1:22

Kam na aki m'am'anaingkami n iangoia b'a ti taan ongora ngkami n ana taeka te Atua; ma kam na riki b'a taan toua mwina.

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.

1.Tamuera 16:7

Ma E taku te UEA nako ina, “Tamuera, ko na tai taku b'a ngaia ae na rineaki i bukina ngke a ab'ab'aki ao e botonim'aane. Bon tiaki ngaia ae rineaki. A karaoa aia rinerine aomata man tarakiia, ma I karaoa Au rinerine ma taraan nanoia.”