Taeka n Rabakau 20:3 - Te B'aib'ara

³ E taraa raoi taraami ngkana kam katoka te un bon ti aika a nanobaba aika a tatangira te kauntaeka.

Taeka n Rabakau 20:3 ပူးပေါင်းရင်းမြစ်များ

Karikani B'aai 13:7

Ma ngaia are, e riki te kauntaeka i marenaia ana taan kawakin maan aika kawakawa Aberam ma ana taan kawakini maan aika kawakawa Roota. (A boni maekana naba te aba aei kaain Kanaan ma kaain Beriti n te tai aei.)

Karikani B'aai 13:8

Ao e taku Aberam nakon Roota, “A aki riai ni kauntaeka am aomata ma au aomata ngkai boni koraki ni kaan ngaira.

2.Uea 14:9

E kaoka ana kaeka Ieoati ao e taku: N te bong teuana, ao e katanoata te buakoako ni kai ae e uarereke i Reb'anon b'a e nang mare natina te m'aane ma te nati te aine ae natin te kai ae te tiira. Ma e ti roko naba te man ae e aki manana n toubekaa te buakoako ni kai are e uarereke arei.

Taeka n Rabakau 14:17

A rangi ni kakai un aomata aika nanobaba, ao bon akea ae e na tangiriko ngkana akea onimakinam.

Taeka n Rabakau 14:29

Bon te m'akuri ae e wanawana te taotaonaki n nano, ma bon te bangab'ai te kakaiun.

Taeka n Rabakau 16:32

E raoiroi riki taotaonan unim nakon te riki ni kakannato b'a kam a tia n taua te kaawa teuana n te buaka.

Taeka n Rabakau 17:14

Moanakin te kauntaeka kaanga ai aron te raran ni nnen te ran ma ngaia are, waekoa katokia i m'aain ae e nang bon riki raoi te uruaki.

Taeka n Rabakau 18:6

E na kairiko nakon te kangaanga te taetae n nanobaba.

Taeka n Rabakau 19:11

Kam wanawana ngkana kam b'aina te taotaonaki n nano ma ni kaotia b'a aekakira ngkami ni kab'araan aia bure tem'angina.

Taeka n Rabakau 21:24

Ngkana kam kainikatonga ao kam kamoamoa, ao ane a na atongko aomata ni kaangai, “Te kakan rietaata!”

Taeka n Rabakau 26:17

E raoiroi riki ngkana ko taui taningan te kamea ae e baba nakon ae ko na ira buakon te meremere ae akea am b'ai iai.

I-Ebeto 4:32

Ao kam na b'aina te i akoakoi, ma te nanoanga, ma te i kab'arabure, n ai aron te Atua ngkae E a tia ni kab'ara ami bure irouni Kristo.

Iakobo 3:14

Ma ngkana iai i nanomi te bakantang ae bati ma te iangoingkami i bon iroumi, ao kam na tai kamoamoaingkami n eekaanako te koaua ma ni kakewea.

Iakobo 4:1

A riki maia taiani buaka, ao a riki maia taian un i buakomi? Tiaki a riki man naano n aonnaba aika kume ni buaka i nanoni b'ain rab'atami?