Taeka n Rabakau 2:5 - Te B'aib'ara

⁵ Ao ane ko na ataa iai nanon te b'ai ae e nanonaki ni karinean ao ataakin te UEA ae te Atua.

Taeka n Rabakau 2:5 ပူးပေါင်းရင်းမြစ်များ

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 28:7

Bon te waaki ni wanawana te ongotaeka nakon ana Tua te Atua, ma ko kamamaaeia am karo ngkana ko iraorao ma aomata aika akea manenaia.

Taeka n Rabakau 8:17

I tangiriia aomata ni kabane aika a tangirai, ao n na boni kuneaki irouia ni kabane akana ukoukorai ma te nano ni koaua.

Taeka n Rabakau 9:10

Karinea ao ongotaeka iroun te UEA Boni moanan te wanawana aei. Ngkana e reke iroum te ataib'ai, ao ko riai n ataa te Atua are e Tabu.”

Itaia 33:6

bon te aana ae ti tei i aona n te bong aei. Ko aki toki ni kamaiura ao n anganiira te wanawana ni koaua ao te rabakau Akea riki ae e kakaawaki iroura nakon te ongotaeka iroum.

Ieremia 24:7

N na anganiia tangiran te kan ataai ao a na riki b'a Au aomata. Ane a na tangirai b'a N na riki b'a Atuaia, ao ane a na rairaki nako iu ma nanoia ni kabane.

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Ieremia 9:24

Ngkana kam tangiria ni kamoamoaingkami, ao kam iango raoi riki ngkana kam kamoamoaa taromauriakiu, Ngai ae te UEA. Te b'ai ae I tangiria riki bon kaotan te akoi te motikitaeka ae eti, ao te nanoanga nako ia aomata ni kabane n te aonnaba.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Ruka 10:22

I anganaki b'aai ni kabane iroun Tamau; ao akea ae ata te Nati b'a ti te Tama; ao akea ae ata te Tama ma ti te Nati, ao ane E kani kaotia te Nati nako ina.

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.