Taeka n Rabakau 2:4 - Te B'aib'ara

⁴ Ukoukora te wanawana n ai aron kakaaean te tirewa ke te kaub'ai ae e karabaaki.

Taeka n Rabakau 2:4 ပူးပေါင်းရင်းမြစ်များ

Karikani B'aai 26:32

Ao ni bon te bong naba anne, ao a roko ana toro Itaaka, ao a tuangnga i bukin te m'anib'a b'a e a reke te ran.

Iobi 3:21

I tataninga te mate ao n tangira riki te rua ni mate nakon te kaub'ai.

Taian Areru 119:127

I tangiri riki am Tua nakon te koora, ae te koora ae moan te raoiroi.

Taian Areru 119:14

I a kukurei riki n iri nanon am Taeka nakon tangiran te kaub'ai ae bati.

Taian Areru 119:72

E manena riki nako iu am Tua are Ko anga, nakoni manenan te kaub'ai ae bati i aonnaba.

Taian Areru 19:10

E korakora riki kani karekeaia nakoni kani karekean te koora ni koaua; E raka riki reken te kukurei mai iai nakon te kukurei ae reke mani kanakin aia karewe manibeeru ae moan te kangkang.

Taeka n Rabakau 16:16

E rangi n raoiroi b'a kam na wanawana ma ni iango raoi nakon ae kam na kaub'ai.

Taeka n Rabakau 2:3

Buubuti ni kanenea b'anaam i bukin karekean te iangoraoi

Taeka n Rabakau 23:23

Kabooa te koaua ao te wanawana, te taeka n reirei ao te iangoraoi, ao tai raraaure nako ma ngaiia.

Taeka n Rabakau 4:7

Te kabanea n tamaroa i bukin te Wanawana bon te Wanawana n ti ngaia; e rangi n tamaroa riki te iangoraoi nakon b'aai riki tabeua.

Taeka n Rabakau 8:17

I tangiriia aomata ni kabane aika a tangirai, ao n na boni kuneaki irouia ni kabane akana ukoukorai ma te nano ni koaua.

Te Minita 4:8

N aron aei, iai tabeman aomata aika akea raoraoia ke aia utu. Ma a bon aki konaa n rauaki ni b'aai ake a b'ain, ao a aki konaa n toki aia m'akuri i bukin karekean riki tabeua. A riai n titirakiniia i bon irouia ni kaangai, “E aera ngkai e aki konaa n toki au m'akuri i bukin karekean riki au b'ai? Antai ae e na b'ain ngkana I kiitan?” Bon te iango ae akea nanona, ao te maiu ae e karawaawata!

Mataio 13:44

Uean te Atua ai aron te b'ai ae kakawaki are karabaki n te tabo teuana, ao te b'ai are e kunea te aomata temanna ao e karaba; i nanoni kukureina ao e nako ni kabo nako ana b'ai ni kabane, ao e kaboa te aba are e karabaki iai te baerei.

Mataio 19:29

Ao ane e a tia ni kitana mwengana, ke tarina, ke m'anena, ke tamana, ke tinana, ke natina, ke abana i buku, ao e na karekei kaka tebubua riki m'aitini baike e a tia ni kitan, ao e na reke i rouna te maiu are aki toki.

Ruka 16:8

Ao te mataniwi, e kamoamoa te manatia are e aki b'aina te eti i bukin iangoraoina; b'a a wanawana riki natin te aonnaba aei n aroia n reitaki ma aia roro nakoia natin te oota.