Taeka n Rabakau 2:19 - Te B'aib'ara

¹⁹ Kawaria, ao ko na aki konaa ni manga kunea kawaim nakon te maiu.

Taeka n Rabakau 2:19 ပူးပေါင်းရင်းမြစ်များ

Taian Areru 16:11

Ko na kaota nako iu te kawai are e nakon te maiu; E kaonai n te kukurei rokom ao e anganai te kakatonga n aki toki.

Taian Areru 81:12

Ma ngaia ae I kariaia b'a a na iri nanoia aika matoatoa, ni karaoi baike a tangiri.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Taeka n Rabakau 5:11

Ao ngkana ko a roko n tokin am bong, ao e na bane korakoran rab'atam, ngkana ko ngirangira

Taeka n Rabakau 5:6

E a tia n tibanako kawaina man te kawai are e nakon te maiu ao e aki roko n te ataia.

Taeka n Rabakau 6:32

Ma ngkana ko matu ma buun te m'aane temanna, ao ko na bon uruana arom ni uaan am nanobaba.

Te Minita 7:26

Aei mwiin te b'ai ae I kunea: E buakaka riki te aine ae e kam'araa nakon te mate. Bon te b'ai ni kam'ane ngaia, ae e kaaenakoa rab'atana ma nanona n raweiko. Ma ngkana ko ongotaeka iroun te Atua, ao ko na konaa ni biri nako mai rouna. Ngkana ko aki ongotaeka, ao e a tia ikanne.

Ieremia 13:23

Kam aki konaa ni bitaki ni karaoa ae e raoiroi? A konaa aomata ni bita kuniia, ke e konaa ni kanakoi matamatan kunin te reb'ari? Ngkana e konaa, ao tao kam na konaa naba ni bitaki ao n reireiningkami karaoan ae e raoiroi.

Otea 4:14

Ma I aki katuaaia. Boni ngkami aika m'aane aika kam riai ni bukinaki, i bukina b'a kam nako ni kawariia ainen matawa ao kam anga karea ma ngaiia n aia baangota nako beekan. E na uotingkami nanobabami nakon uruakami.

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.