Taeka n Rabakau 19:16 - Te B'aib'ara

¹⁶ Ongotaeka nakon ana reirei te UEA ao ane kam na maiu ngkana kam aki ongotaeka ao ane kam na mate.

Taeka n Rabakau 19:16 ပူးပေါင်းရင်းမြစ်များ

Iobi 5:2

Te nanobaba ma te bakantang e na boni kona n tiringko iai.

Taian Areru 103:18

irouia ake a kakaonimaki nakon ana boraraoi, Ake a teimatoa n ongeaba nakon ana taeka.

Taeka n Rabakau 13:13

Ngkana ko aki butim'aea ana reirei te Atua ao ane ko na kab'aka boona; ngkana ko ongotaeka nakon ana kaetieti nako, ao ane ko na anganaki kaniwangam.

Taeka n Rabakau 15:32

Kam bon karika te kangaanga nakoim ngkana kam kaaki taian reirei, ma bon te iango ae e raoiroi ngkana kam butim'aai.

Taeka n Rabakau 16:17

E tuuki kawai aika a buakaka ana aomata te Atua, ao a kaawakiniia n tarataraa raoi kawaia are a nako iai.

Taeka n Rabakau 21:16

Ngkana kam katoka kamanenaan ami iangoraoi, ao kam na kuneingkami i nanon te ruanimate.

Taeka n Rabakau 21:23

E konaa ni kamaiungkami man taiani kangaanga aika a bati te taratara raoi n te b'ai are kam na taekinna.

Taeka n Rabakau 22:5

E m'ananga i nanon te kawai te aomata ae te tia kewe ao e onrake n taiani b'ai ni kam'ane aika a kateketeke. Kararoako mai iai!

Taeka n Rabakau 29:18

Ngkana akea ana kairiiri te Atua ao ane a na mauna nako tua ma kaetieti, ma e kakab'aiaia aomata nako aika a ongotaeka n ana tua.

Taeka n Rabakau 3:1

Natiu, uring au reirei ma au taeka ao iri nanoia ni kabane.

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Te Minita 8:5

Ko na aki reereke n te kaangaanga ngkana ko ongotaeka iroun te uea. Ma ngaia are, ko na tim'aati, ao reireiniko arom ae ko riai ni karaoia, ao karaoia.

Ieremia 7:23

Ma I ti kaangai nako ia, “Ngkana kam ongo i Rou ma ni karaoi b'aai aika I tuangngkami, ao N na riki b'a Atuami, ao ngkami kam na riki b'a Au aomata, ao a na akea ami kangaanga.”

Etekiera 33:5

Bon ana kaairua i bon i rouna, b'a e aki tabe ma te kauring, ao e aki birinako.

Mataio 16:26

B'a tera te raka ae e na karekea te aomata ngkana e b'aina te aonnaba ae b'anin ao e kabua maiuna mai rouna? Ao tera ae e na anga te aomata b'a e na kaoka maiuna iai?

Ruka 10:28

E taku Iesu nako ina, “Ko a tia n anga te kaeka ae eti; karaoa anne ao ko na maiu iai.”

Ruka 11:28

Ao Ngaia E kangai, “Te koaua, ma a kab'aia riki akana ongo ana taeka te Atua ao a kawakinna!”

Ioane 14:15

“Ngkana kam tangirai, ao kam na tou mwin au tua.

1.I-Korinto 7:19

Akea manen te kaitiakaki, ao akea naba manen te aki-kaitiakaki; ma bon iai maneni kawakinan ana tua te Atua.

1.Ioane 3:22

ao ane ti bubuti ao ti anganaki i Rouna, b'a kioina ngkai ti tau ana tua, ao ti karaoi baika kakukurei i matana.

1.Ioane 5:3

B'a bon tangiran te Atua te baei, ae tauan ana tua i roura; ao a aki kanganga aroia n tauaki.

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.