Taeka n Rabakau 19:12 - Te B'aib'ara

¹² E bekorara kaanga te raian te uea ane e unun, ma e riki b'a kaanga te aoi i aon taian uteute, te uea ngkana e kukurei.

Taeka n Rabakau 19:12 ပူးပေါင်းရင်းမြစ်များ

Otea 14:5

N na riki b'a kaanga te aoi ao ane kam na kaurei ueemi kaanga taiani kiebu ao a na riki wakaami b'a kaanga taian aroka.

Taeka n Rabakau 20:2

Te tia tautaeka ae e un bon kaanga ai aron te raian ae e bekorara ae e na manga kauna temanna, ao kam a mate.

Taeka n Rabakau 28:15

Ti te bo ma te raian ae e bekorara ke te bea ae e karana kanana, te tia tautaeka ae e aki karaoa ae e aki riai nakon ane e maiu ni kainano.

Taian Areru 133:3

Ai aron te aoi i aon te maunga are Oman, ngkana e ruon aoni maungan Tion. Ao anne te tabo are E tua te kab'aia iai te UEA, ae taekan te maiu ae akea tokina.

Mika 5:7

A na riki nikiraia Iteraera ake a maiu ma ni uamaaenako i buakoia botannaomata b'a b'aai ni kamaiu aika a kanakoaki mairoun te UEA n ai aron te aoi ma te karau i aon taian aroka. A na mwioko iroun te Atua, ao tiaki iroun te aomata.

Taniera 6:24

Ao e a manga anga ana taeka te uea b'a a na katikaki te koraki ake a kabuakaka Taniera, ao e karenakoia nako nanon te b'angab'anga are nneia raian, n ikotaki ma buuia ma natiia. A kaman raweaki rab'ataia man raebitiaki irouia raian i m'aain rokoia i aontano.

Taniera 5:19

E rangi ni korakora n te aro are a maaku man ruru botannaomata, ao aekaki n reeti nako i rouna. E tiringa ane e kan tiringnga, ao e kamaiua ane e kani kamaiua. E karinea ke e tewenakoa ane e bon taku.

Te Minita 8:4

Bon te tua ana taeka te Uea. Akea ae e konaa n titirakinna ni kaangai, “E aera ngkai ko karaoa aei?”

Taian Areru 72:6

E bia riki te uea b'a kanga ai aron te karau ae b'aka ni kamaiu kain am'arake, ao ni kam'aim'aa aon te aba.

Etita 7:8

E eeinako nako aon ana kaintekateka Nei Etita, b'a e na buubuti nanoangaana, ao ngke e oki te uea nakon te ru man te nne n aroka, ao e nooria n arona arei, ao e takaarua ni kaangai, Tera ae e kataia ni karaoia te m'aane ae e buakaka aei? E na kataia n taua te ueanaine i matau ikai, i nanon oin au bareti? Ngke e tabe n taetae te uea, ao e a roko naba te toro temanna n rabuna atuun Aaman.

2.Tamuera 23:4

kaanga ootan taai i nanon bongin te riringa, ke kaanga te karau ae raneanea i aon te uteute.”

Karikani B'aai 27:28

Ke E anganiko te Atua aoin karawa, ma ni uamaria abam. Ke E anganiko taian uanikai aika uangingi, ao wain aika moan te bati.

Te Tua-Kaua 33:28

Kaain Iteraera, kam na maeka ma te rau; a na maunanako ami kairiribai. E na b'aka te aoi mai karawa, ao a na rangi ni m'aiti ami uita ao ami wain.

Itaia 18:4

E taku te UEA nako iu. “N na tararikaaki ma te nano ae e rau mani mwengau are i eta kaanga raun taai n te tawanou ke taian nang n te kabuebue n tain te tai.”

Etita 1:12

Ma ngke a tuanga te ueanaine taani m'akuri ana taeka te uea, ao e rawa n roko. Ao e rangi n un te uea n te b'ai aei.