Taeka n Rabakau 18:4 - Te B'aib'ara

⁴ Bon te karaanga n ran taeka ni wanawana are e raanga man te koburake n ran ae e nano.

Taeka n Rabakau 18:4 ပူးပေါင်းရင်းမြစ်များ

Taian Areru 78:2

N na kabonganai taian taeka n rabakau, Ao N na kab'arab'arai nanoni baike a raba ake b'ai nikawai,

Taeka n Rabakau 10:11

Aia taeka aomata aika a raoiroi bon boton te maiu, ma a karabaia aika a buakaka i akuun aia taeka aomata aika a buakaka.

Taeka n Rabakau 13:14

Bon te koburake n ran ae a anga te maiu taian reirei aika a iangoaki raoi ao e na buokiko n rawea maium man taiani b'ai ni kam'ane aika a kamaamate.

Taeka n Rabakau 16:22

Te iango raoi bon te koburake n ran ae e anga te maiu, ma a katuaaeaki aika a nanobaba ni bon nanobabaia.

Taeka n Rabakau 18:3

E uotiko nakon te mamaa ao te b'ainrang karaoan te kaairua.

Taeka n Rabakau 20:5

Iai tabeman aika a nano aia iango kaanga ai aron nanon te marawa, ma ngkana kam wanawana, ao kam na bon kuneia.

Mataio 12:34

Ngkami aika buniia naeta! A na kanga n raraoi ami taeka, ngkai kam buakaka? B'a e taetae te wii man onraken te nano.

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

I-Korote 4:6

A na tangiraoi ami taeka n taai nako, ma ni kakan ongora; ao kam riai n ata te kaeka ae riai nakon temanna ma temanna.