Taeka n Rabakau 18:23 - Te B'aib'ara

²³ E na riai ni buubuti te kainano i bukin buokana, ma e konaa te kaub'ai n anga te kaeka ae e tangibuaka.

Taeka n Rabakau 18:23 ပူးပေါင်းရင်းမြစ်များ

Iakobo 2:3

Ao ngkana kam taratara teuare kunnikaia te kunnikai ae tamaroa ao kam kaota karineana ni kaangai, “Ko na tekateka ikai n te tabo ae e raoiroi,” ao nakon teuare aki kaub'ai, kam kaangai, “Ko na tei ikekei! ke, Ko na tekateka ikai i rarikini waeu,”

Iakobo 2:6

Ma ngkami, kam kamangora te aomata ane aki kaub'ai. Tiaki a babakanikawai nakoimi akana kaub'ai ao tiaki ngaiia aika katikingkami nako matan taiani kabowi?

Mataio 5:3

A a kab'aia akana nanorinano, b'a aia b'ai Uean te Atua.

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

1.Tamuera 25:17

Taiaoka ma kareerekea riki am iango iai ao karekea am iango b'a tera ae ko na karaoia nako iai. E konaa n riki te b'ai aei b'a rokon te kangaanga nakon ana toka ao kaain ana utu ni kabane. Bon te aomata ngaia ae e raarawa n tuangaki arona, ao bon akea ae e konaa n ongo i rouna!”

1.Tamuera 25:10

ni karokoa e anga ana kabanea ni kaeka Nab'ara ae e kaangai, “Tawita? Antai te aomata anne? I tuai man ongongo arana mai m'aaina! A kaona aon te aba tooro aika a biri nako ni boong aikai!

1.Tamuera 2:36

Ma ngkana iai ae tiku mai buakoia ami utu, ao e na roko ni kawara au ibonga ma ni bubutiia te m'ane ke te m'akoro ni kariki teutana. E na kona naba ni kaangai nakon au ibonga, “I butiiko b'a ko na karikai b'a te ibonga temanna, b'a e aonga n reke naba kanau teutana.”

Ruuta 2:7

Ao e butiai b'a e na karemrem i mwiia taan tai. E m'akuri ma ngke e ingabong ni karokoa ngkai, ao e a tib'a motirawa ma ni katanna man te riringa.”

Te Otinako 5:2

Ao e kaeka te uea ni kaangai, “Antai te UEA aei, ao bukin tera ngkai N na ongotaeka i Rouna? I rawa ni kanakoi ngkami ma ami aomata!”

Karikani B'aai 42:30

“E taetae n un te kowana nako ira ni bukiniira b'a taan tutuo ni karaba ngaira b'a ti na tuoa abana ni kabane.

Karikani B'aai 42:7

Ao ngke e nooria tarina Ioteb'a, ao e kinaia, ma e bakan aki kinaia. Ao e titirakiniia n te b'ana ae matoa, ao e taku, “Kam nako mai ia?” Ao a taku, “Ti roko mai Kanaan b'a ti na kabooi karara.”

1.Uea 12:13

E aki m'annanoa aia taeka ni buobuoki unim'aane Reoboam.

2.Rongorongo 10:13

E aki kubara aia iango taani iango ake a kawara Reoboam. Ao e kaonakoia

Taeka n Rabakau 19:7

Ngkana kam kainano, ao ane a na katinanikuingkami akana bon am koraki, ao a na rangi ni buakaka riki nakoim ake raraom ngkoa. A na aki reke iroum ngkana kam kainanoia,

Taeka n Rabakau 22:7

A tautaekanaki aika a kainano irouia aika a kaub'ai, bon taian toro irouia taan kataarau, aomata aika taan tangob'ai.

Iobi 41:3

E kona ni bubutiiko b'a ko na kainaomata? E kona n ononiiko b'a ko na nanoangaia?