Taeka n Rabakau 18:14 - Te B'aib'ara

¹⁴ E rangi ni buobuoki te kaunga nano ngkana ti aoraki, ma bon akea te buobuoki ngkana ti b'ara n nano.

Taeka n Rabakau 18:14 ပူးပေါင်းရင်းမြစ်များ

Iobi 6:4

E a tia te Atua ni katebeai n taian kainikatebe, ao e buta i nanon rab'atau boitinna. E katauraoa buakanakiu te Atua.

Taian Areru 109:22

Akea au b'ai ao e kai nanou; e korakai nanou.

Taian Areru 147:3

E kamaiuia akana uruaki nanoia, ao E kabae ikoakiia.

Taian Areru 55:3

i bukin ana taeka n iowawa te tia ribaai, Ao i bukini karawawatau irouia akana buakaka. A kariki kaangaanga nako iu, A un irou ao a ribaai.

Taian Areru 55:5

I rurubenebe b'a I maaku; E taonai korakoran angin te maaku.

Te Otinako 6:9

Ao ngke e tuangiia Iteraera taekan te baei i bukiia, ao a rangi ni b'ara nanoia iai ao a rawa ni kakoaua.

Taeka n Rabakau 15:13

E anganiko te moangare te kukurei; ma e konaa ni kamanatuako te nanokawaki.

Taeka n Rabakau 17:22

Ngkana kam kukurei, ao kam namakina te nakoraoi; ao ngkana kam nanokawaki, ao kam bon kammarakingkami.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.I-Korinto 2:7

ma ngaia ae kam bon riai ni kab'ara ana bure ma ni karaua nanona, b'a e kawa teuanne ni b'ara nanona n rawawatana ae bati.

Iakobo 1:2

Tariu, kam na kim'areirei ngkana kam kaitara ma taiani kariri nako,

1.Betero 1:6

Kam na kim'areirei n te baei, e boni ngae n riai iroumi b'a kam na rawawata i nanon tabeua te tai i bukini kataakimi aika bati aroia;