Taeka n Rabakau 17:6 - Te B'aib'ara

⁶ A kakatonga aia karo tamaia ma tinaia irouia tibuia, ao a na riai ni kakatonga naati irouia aia karo.

Taeka n Rabakau 17:6 ပူးပေါင်းရင်းမြစ်များ

Karikani B'aai 48:11

Ao e taku Iakob'a nakon Ioteb'a, “I aki kantaningaia b'a N na manga nooringkami riki, ao ngkai, E a tia te Atua ni karekea au tai n nooriia natim.”

Karikani B'aai 50:23

Ao e kauiaia natin ma tibun Eberaim. Ao e kauia naba bungiakin te mm'aane are Makira are natin Manate, ao e butim'aia nakon aia utu.

1.Uea 11:12

Ma ko na bon uea ni kabane bongini maium i bukina ngkai tamam Tawita. N na tataningaa te tai are e na uea iai natim te m'aane, ao I anaa te abanuea mai i rouna.

1.Uea 15:4

E ongongotaeka n taai nako Tawita nakon Ana mwioko te UEA ngke e kakaraoa e eti, ma ti are ngke e anaa buun Uria. Ma E bon kakaawakina naba Ierutarem te UEA i bukina ngke bon tibutorun Tawita teuare Abiiam, ao E angan Abiiam natina te m'aane are e na manga onea mwiina.

Te Otinako 20:12

“Karineia tamami ma tinami b'a a aonga n ab'ab'aki ami bong ni maiu i aon te aba are I anganingkami.

Taeka n Rabakau 13:22

Ngkana kam ongotaeka iroun te Atua, ao a na iai ami b'ai tabeua aika kam na katikui i bukiia tibum. Ma ngkana kam aki ongotaeka iroun te Atua, ao ane a na manga anai b'aai ake kam katikui aomata aika a raoiroi maiuia.

Taeka n Rabakau 16:31

Bon te baunuea ae mimitong te ira ae e iaia ao e kabonganaaki irouia aika a tia ni maiuakina te raoiroi.

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”