Taeka n Rabakau 17:16 - Te B'aib'ara

¹⁶ E aera ngkai e na iai aia m'ane nanobaba i bukin aia reirei ngkai a rawa n reirei?

Taeka n Rabakau 17:16 ပူးပေါင်းရင်းမြစ်များ

Taeka n Rabakau 14:6

B'ainingarea te wanawana ao e na aki reke iroum. Ma ngkana iai iroum te ataib'ai, ao e na beebete rokon te rabakau.

Taeka n Rabakau 18:15

A bane akana a iangoraoi n tangiria n reirei.

Taeka n Rabakau 23:23

Kabooa te koaua ao te wanawana, te taeka n reirei ao te iangoraoi, ao tai raraaure nako ma ngaiia.

Taeka n Rabakau 24:7

E rangi ni m'aiti te wanawana i bukiia nanobaba! Bon akea manenan taeka n reirei.

Otea 4:11

ao a tia n aki kakaonimaki nako iu, Ngai ae aia UEA. Kam nanobaba Au aomata b'a kam rangi ni kam'aita iangoan te kukurei ma iangoan te wain.

Ioane 3:20

B'a ane kakaraoa ae buakaka ao e ribaa te oota, ao e aki nako n te oota, b'a a kaawa ni kaotaki ana m'akuri b'a a bubuaka.

M'akuri 13:46

Ao a taetae ma te ninikoria B'auro ma B'arenaba ni kaangai, Bon te b'ai ae riai taekinani moa ana taeka te Atua nakoimi. Ma ngkai kam rawa iai, ma ni baireia n ami iango b'a kam aki riai n anganaki te maiu are aki toki, ao noria, ti nangi nako ni kawariia aomata aika tiaki I-Iutaia.

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;

Te Tua-Kaua 5:29

Tera ngke a taromauriai n taai nako ma n ruru ni maakai, ma n ongotaeka nakon Au tua ni kabane. B'a ngkana a karaoa anne, ao a na tetekeraoi ma natiia ma ni kukurei.