Taeka n Rabakau 17:12 - Te B'aib'ara

¹² E aki kamaamate riki iraeakin natin te bea nakon te nanobaba ae e taningabono.

Taeka n Rabakau 17:12 ပူးပေါင်းရင်းမြစ်များ

2.Tamuera 17:8

I ataia b'a bon taani buaka raoi am koraki ni m'aane. Ti te bo ngkai ngaiia ma te tina ni bea ae e a tia n tiringaki natina. I rarikin anne, e bon rangi ni m'aiti taiani buaka aika e a tia n irii, ao ane e na bon aki konaa ni katairaa ma tabem'aang.

2.Uea 2:24

Ao e rairaki Eritai ao e kareke taraaia ataei ni maanee akekei. Ao i mwiina, e a kamaraiaia n aran te UEA. Ao ni bon te tai naba arei, ao a biri n otinako uoman taiani bea man te buakoako ao a raebitiia angaun ma uoman mai buakoia ataei ni maanee akekei.

Taeka n Rabakau 17:11

A rangi n tangiria ni kakaitaraa aomata aika a iowawa ai ngaia are, a na kanakoaki taan eekaanako te aba b'a a na buakaniia.

Taeka n Rabakau 27:3

A rawaawata atiibu ma taian tano, ma e rawaawata riki te uota n te kangaanga ae e karikia te nanobaba.

Taeka n Rabakau 28:15

Ti te bo ma te raian ae e bekorara ke te bea ae e karana kanana, te tia tautaeka ae e aki karaoa ae e aki riai nakon ane e maiu ni kainano.

Taeka n Rabakau 29:9

Ko riai ni wanawana n aki katea te nanobaba i bukin te b'ai teuana. E na bon aki konaa n reke raun nanom, i bukina b'a te b'ai ae a na ti karaoia nanobaba a na tii kakanikoko ma n takaarua.

Otea 13:8

ao n na raebitingkami kaanga te bea aine ae e iraeaki natina, n na kakerui riimi b'a kaanga aongkoa Ngai te raian ke maan ake a aki manana ake tabeua.

Mataio 2:16

Ngke e ataia Erote b'a e a tia ni m'am'anaaki irouia taan rabakau, ao e rangi n un. E kanakoa ana taeka b'a a na bane n tiringaki ataei aika mm'aane i Betereem ma kaawa ake i rarikina ake kaka uoua aia ririki i bukina ngke e a tia n ataia mairouia taan rabakau b'a e a tia ni koro uoua te ririki man te tai are a moa n nora iai te itoi.