Taeka n Rabakau 16:7 - Te B'aib'ara

⁷ Ngkana ti kakukureia te UEA ao a na bon kan raoraoniira naba ara kairiribai.

Taeka n Rabakau 16:7 ပူးပေါင်းရင်းမြစ်များ

Karikani B'aai 27:41

Ao e rangi n riba Iakob'a i bukina ngke e a tia n anganaki te kakab'aia iroun tamana. Ao e taku i nanona, “E a bon kan roko te tai are tanginiwenea iai tamau, ao ngkana e a mate, ao I a tiringa naba Iakob'a.”

Karikani B'aai 32:28

E taku teuarei, “Ko na aki manga aranaki b'a Iakob'a. Ko a tia ni kaunrab'ata ma te Atua ao taiani mm'aane, ao ko tokanikai; ma ngaia are, ko na aranaki b'a Iteraera.”

Karikani B'aai 33:4

Ma e biri Etau nakoina, e rab'atia, ao e inga ma ngaia. Ao a kaai n tang.

2.Rongorongo 17:10

Ao a maaka m'aakan te Atua botannaomata ake i rarikin Iuta, ma ngaia are, bon akea mairouia ae e buakana Ieotiab'ata.

2.Rongorongo 20:30

ni manga buakana Iuta. Ao e karekea te rau te UEA nakon abanuean Ieotiab'ata.

Etira 8:36

Ao tabeman mai buakoia koraki ake a oki, a uoti ana taeka te uea nakoia koowana ao mataniwi ni m'akoron te tautaeka are i Maeao. Ao i mwiina, mataniwi a karaoi baike a konai i bukiia aomata ao i bukin ana Tembora te Atua.

Taian Areru 69:31

E na tangiraki riki aei iroun te UEA nakon anganakina kaao-m'aane b'a taiani karea.

Te Otinako 3:21

I mwiin, katuaaeaia kaain Aikubita, are a na rangi ni maakuko ao a na anganiko b'aai ni kabane ake ko tangiri. Bon Au aomata ngkami, ao N na bon kariaia b'a kam na uoti b'aai aika a m'aiti ngkana kam kiitana Aikubita.

Taeka n Rabakau 16:8

E raoiroi karaoan ae e raoiroi ao kam kainano nakon ae kam aki karaoa ae e raoiroi ao kam kaub'ai.

Taeka n Rabakau 3:17

E kakukureia te maiu te wanawana ao e kairiira ni kaawakiniira i aon kawaira.

Ieremia 15:11

Ao E kaeka UEA ni kaangai, “I berita b'a N na kaawakiniko, ngkana e roko te kabuanib'ai, ao nako ia naba ami kairiribai ngkana a buubuti buokaia.”

Ieremia 39:12

“Kakaaea Ieremia ao kaawakinna raoi. Karaua tararuaia ao karaoi b'aai ni kabane akana e tangiri.”

Ieremia 42:12

N na kairoroa b'a e na nanoangaingkami ma ni kaoki ami tabo n ununiki.

Taniera 1:9

ao te Atua e karika Atibenati b'a e na tatangira Taniera.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.

I-Korote 1:10

b'a kam aonga ni karaoi baika boraoi ma nanon te UEA, aika E na kukurei iai, n aromi ni karaoi m'akuri nako aika raraoi; ao b'a kam aonga n ata riki aron te Atua,

I-Korote 3:20

Ataei, kam na ongeaba nakoia ami karo ni b'aai ni kabane, b'a anne te bae E kakukureiaki iai te UEA.

Ebera 13:21

E na katauraoingkami nakoni m'akuri aika raraoi ni kabane b'a kam aonga ni karaoa nanona, ao b'a kam aonga iroun Iesu Kristo ni karaoa are E na kukurei iai te Atua. Ao ana b'ai Kristo te neboaki n aki totoki. Amen.

1.Betero 3:13

Ao antai ae na kaikoakingkami ngkana a korakora nanomi ni kani karaoa ae e raoiroi?

1.Ioane 3:22

ao ane ti bubuti ao ti anganaki i Rouna, b'a kioina ngkai ti tau ana tua, ao ti karaoi baika kakukurei i matana.