Taeka n Rabakau 16:6 - Te B'aib'ara

⁶ Ngkana ti tangira te Atua ma nanora ni koaua ao a na kab'araaki ara bure; ngkana ti kaota karineana, ao ti na kararoaira man te bure.

Taeka n Rabakau 16:6 ပူးပေါင်းရင်းမြစ်များ

Karikani B'aai 20:11

Ao e kaeka Aberaam, “I taku ngai b'a akea ae karinea te Atua ikai, ao I maaku iai b'a kam rawa n tiringai, ao kam anaa buu.

Neemia 5:15

Taian kowana ni kabane ake i m'aaiu a bon karawaawataia aomata ni karaoia aomata b'a a na kabooi kanaia ma nimaia ao a tangira abwi te m'ane te tirewa ni katoa bong. Ao bon taian mataniwi naba aika a karawaawataia aomata. Ma I karinea te Atua, ao I taku b'a e aki riai te karawaawataia aomata.

Neemia 5:9

Ao I reitanako au taeka ao I taku, “E bure te b'ai ae kam a tia ni karaoia! Ti na karinea Atuara n arora ni maiu, b'a a aonga tientaire n aki noora te kaairua iroura.

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Taian Areru 85:10

A na uaia n reitaki te tangira ma te kakaonimaki; E na irab'ati te raoiroi ma te raoi.

Te Otinako 1:17

Ma bon aomata aika mamaaka te Atua taani kabung akekei, ma ngaia are, a aki ira nanon te uea, ao a boni kamaiuia naba ataei aika mm'aane.

Te Otinako 20:20

Ao e taku Moote, “Kam na aki maaku, E bon ti roko te Atua ni kan kataingkami ma ni karaoingkami b'a kam na teimatoa n ongotaeka i Rouna, b'a kam aonga n aki bure.”

Taeka n Rabakau 14:16

Bon ti te nanobaba ae e aki konaa n taratara raoi ma ngaia ae ko na rangi n taratara raoi ao kararoako man te kangaanga.

Taeka n Rabakau 14:2

Ngkana kam maiu raoi, kam bon kaotia b'a kam karinea te UEA; ngkana kam b'anganikewe, kam bon kaotia b'a kam bon akea boonganan te Atua.

Taeka n Rabakau 14:27

ao te koburake n ran ae e anga te maiu are e kakaawakiniko man taiani b'ai ni kam'ane aika kamaamate.

Taeka n Rabakau 16:5

E aki tangira te aomata te UEA ae e rangi ni kainikatonga.

Taeka n Rabakau 20:28

A kaawakinaki taan tautaeka n ana akoi ma ana kakaonimaki te Atua, ma a riai ni b'aina te akoi b'a e aonga n teimaan abanueaia.

Taeka n Rabakau 3:3

Ke e nooraki iroum n taai nako te tangira ma te kakaonimaki kaanga te m'ae n roroa, ao koroi inanom.

Taeka n Rabakau 3:7

Ko na tai iangoia n taai nako b'a ko rangi ni wanawana, ma ko na karinea te UEA ao kararoako man taian buakaka.

Taeka n Rabakau 8:13

Ngkana ko karinea te UEA, ao ko na ribaa te buakaka. I ribaa te kamoamoa ao te kainikatonga ao te kewe ni kam'aam'ane.

Taniera 4:24

“Te uea ae ko karineaki, ai anne ngkanne nanona, anne ngkanne te b'ai ae e na riki nakoim i nanon taai aika a na roko are E kaotia nakoim te Atua ae e m'aaka.

Taniera 4:27

Ma ngaia are, ‘Te uea ae ko karineaki, karaoi kanoan au kaetieti. Katoka karaoan te bure, karaoa ae e raoiroi, ao nanoangaia akana aki kaub'ai. Ao i mwiina, e a tib'a kona n rikirake ueam.”

Nakoaia Ibonga 25:17

Boni Ngai te UEA ae Atuami, ongotaeka i Rou ao tai kataia ni baabakanikawaiia tabeman.

Ruka 11:41

Ma kam anga b'ai ake i nanon ami m'angko ma ami raurau b'a b'aai n akoi; ao noria, a bane n itiaki b'ai ni kabane i bukimi.

Ioane 15:2

Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.

M'akuri 15:9

ao E aki kakaokoroa arora ma ngaiia, ngke E kab'arai aia bure i bukin aia onimaki.

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Ebeto 5:21

ao kam na aan-taeka, temanna iroun temanna, b'a kaotani karineani Kristo iroumi.

Te Tua-Kaua 30:13

Ao kam aki kona ni kaangai, Ti na kanga n ongotaeka nakon ana Tua te UEA? Ao a mena i nanoni marawa, ti ngkana iai ae na nako n anai ma ni uoti rikaaki ma ni kab'arab'arai nakoira.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.