Taeka n Rabakau 16:2 - Te B'aib'ara

² Ti na taku n ara iango b'a ti atai etin b'aai, ma bon te UEA te tia motikitaeka nakon oin bukin rikin baika ti karaoi.

Taeka n Rabakau 16:2 ပူးပေါင်းရင်းမြစ်များ

Taian Areru 36:2

E kamoamoaa ni karangnga i bon i rouna, n ribaa oin aia bure ke ni bon noraki iai.

Taeka n Rabakau 12:15

A taku aomata aika a nanobaba b'a e raoiroi maiuia, ma e kakauongo raoi nakon taeka n reirei te aomata ae e iangoraoi.

Taeka n Rabakau 16:25

N tabetai te b'ai ae e taraa n raoiroi bon te kawai nakon te mate.

Taeka n Rabakau 17:3

E tuoaki te koora ma te tirewa n te ai ao a tuoaki nanora iroun te UEA.

Taeka n Rabakau 21:2

N tabetai, ti iangoia b'a ti karaoa ae e raoiroi, ma e atai baike inanora n taai nako te UEA.

Taeka n Rabakau 24:12

Tai kaangai, “I aki ataia!” E konaa n ataa nanom te Atua. E tarataraira ni tatabemaniira nako ao e atai ara iango. Ao e na manga kabooa mwiin are ti karaoia te Atua.

Taeka n Rabakau 30:12

ao tabeman a taku n aia iango b'a a rangi n raoiroi, ma a kam'araaeaki n aia bure.

Taeka n Rabakau 5:21

E noori b'aai ni kabane te UEA ao e tarataraira raoi.

Itaia 26:7

Ara UEA ko aki toki ni kakaraoa ae e eti ao ko kabooraoa te kawai i bukiia aika a ongotaeka iroum.

Ieremia 17:10

Ma I atai baika kam a tia ni karaoi ma ami iango ao I kakoaua raoi b'a e na reke nako imi te b'ai are kam bon kaantaningaia.

Taniera 5:27

Te Rawaawata, Ko a tia ni katineaki n te b'ai n tau rawaawata, ao ko kuneaki b'a ko a rangi ni beebete;

Warekaia Iteraera 22:32

Ao e taku te anera, “Bon akea riaina b'a ko na karaoa te aro anne nakon am aati. Boni Ngai ae I tuuka kawaim, i bukina b'a I aki tangiria b'a ko na nako Moaba.

Ruka 16:15

Ma E taku nako ia: Ngkami aika kam karaoiroingkami i mataia aomata, ma E atai nanomi te Atua; b'a te b'ai ae kakannato irouia aomata ao bon te b'ai ae ribaaki i matan te Atua.

Te Kaotioti 2:18

“Ao ko na koroboki nakon ana anera te ekaretia are i Tuateira ni kaangai: “E kaangai Natin te Atua, are iai matana aika ai aron uran te ai, ma waena aika ai aron te buraati ae raneanea:

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.

Tani Motiki-taeka 17:6

E riki aei i m'aain tautaekanakin Iteraera irouia uea, ma ngaia are, a bane ni karaoi b'aai ni kabane Iteraera ake a bon taku b'a a raoiroi.

Tani Motiki-taeka 7:6

Ao bon 100 m'aitiia m'aane ake a itiia te ran ni baiia, ao a neweneweia, ao ake nikiraia a katorobubua ni mooi.

1.Tamuera 16:7

Ma E taku te UEA nako ina, “Tamuera, ko na tai taku b'a ngaia ae na rineaki i bukina ngke a ab'ab'aki ao e botonim'aane. Bon tiaki ngaia ae rineaki. A karaoa aia rinerine aomata man tarakiia, ma I karaoa Au rinerine ma taraan nanoia.”

1.Tamuera 2:3

I kona n tuangiia aomata aika kamoamoa ni kaangai, “Katoka ami kamoamoa! Bon akea te b'ai teuana ae raba mairoun te UEA, ao e baairei baika ti karaoi.”