Taeka n Rabakau 16:16 - Te B'aib'ara

¹⁶ E rangi n raoiroi b'a kam na wanawana ma ni iango raoi nakon ae kam na kaub'ai.

Taeka n Rabakau 16:16 ပူးပေါင်းရင်းမြစ်များ

Taian Areru 119:127

I tangiri riki am Tua nakon te koora, ae te koora ae moan te raoiroi.

Taeka n Rabakau 2:4

Ukoukora te wanawana n ai aron kakaaean te tirewa ke te kaub'ai ae e karabaaki.

Taeka n Rabakau 3:13

E kakab'aiaia aomata ni kabane te Atua aika iai irouia te wanawana.

Taeka n Rabakau 3:14

E kakaawaki riki te wanawana nakon te tirewa; e na kakorakoraa kaub'aim riki nakon te koora.

Taeka n Rabakau 4:5

Ko na wanawana ma n reireiniko te iangoraoi; ururing au reirei nako, ao karaoa ae I tuangko.

Taeka n Rabakau 4:7

Te kabanea n tamaroa i bukin te Wanawana bon te Wanawana n ti ngaia; e rangi n tamaroa riki te iangoraoi nakon b'aai riki tabeua.

Taeka n Rabakau 8:19

E rangi ni kakaawaki te b'ai ae ko karekea mairou nakon naba te koora ae te kabanea n raoiroi te tirewa ae te kabanea n itiaki.

Te Minita 7:12

E kaawakiniko te rabakau n ai aron te m'ane; e na kairiko nakon te maiu te ataib'ai ma te iango raoi.

Mataio 16:26

B'a tera te raka ae e na karekea te aomata ngkana e b'aina te aonnaba ae b'anin ao e kabua maiuna mai rouna? Ao tera ae e na anga te aomata b'a e na kaoka maiuna iai?

Ruka 12:21

“Anne aron te bae na riki nakon te aomata ae kaiko b'aai i bukina ngke e ataaki iroun te Atua b'a e aki kaub'ai.”