Taeka n Rabakau 15:9 - Te B'aib'ara

⁹ E aki kukurei te UEA irouia aomata aika a karaoa te bure. Ma e tangiria aomata nako aika a karaoa ae e raoiroi.

Taeka n Rabakau 15:9 ပူးပေါင်းရင်းမြစ်များ

Taian Areru 1:6

A kairiiraki ma ni kawakinaki iroun te UEA aomata akana a raoiroi, ao aomata akana a buakaka a toua kawain te kabuanib'ai.

Taian Areru 11:7

E kaakaraoa ae e raoiroi te UEA, ao E tangira karaoan te motikitaeka ae eti A na noora matana akana karaoi m'akuri akanne.

Taian Areru 139:24

Ko na norai b'a iai te bae buakaka i nanou ke akea, Ao kairiirai i nanon te kawai ae akea tokina.

Taian Areru 5:5

Ko aki kan tei i matan te tia kainikatonga; Ko ribaia ni kabaneia akana karaoa ae buakaka.

Taeka n Rabakau 15:10

Ngkana kam rairaki man te kawai ae e raoiroi, ao kam na katuaaeaki; ngkana kam rawa ni kaetaki ao kam na mate.

Taeka n Rabakau 21:21

Ngkana kam kataia ni karaoa te akoi ma te raoiroi, ao kam na kakab'aiaki n te maiu ma te raoiroi ao te karineaki.

Taeka n Rabakau 21:4

A kainikatonga aomata aika a buakaka ao a kamoamoa, ma bon akea riki arokaia ae a unikia i rarikin te bure.

Taeka n Rabakau 21:8

A bane ni kewetaia taan aonikai, ma a na boni karaoa ae e raoiroi akana akea aia bure.

Taeka n Rabakau 4:19

Katein maiuia aomata aika a buakaka kaanga ai aron te rotongitong ae e korakora, ao a na bon aki konaa n ataia b'a tera ae e toki waeia iai.

Taeka n Rabakau 8:13

Ngkana ko karinea te UEA, ao ko na ribaa te buakaka. I ribaa te kamoamoa ao te kainikatonga ao te kewe ni kam'aam'ane.

Itaia 26:7

Ara UEA ko aki toki ni kakaraoa ae e eti ao ko kabooraoa te kawai i bukiia aika a ongotaeka iroum.

Itaia 51:1

Ngkana kam tangiria ni karaoa ae e raoiroi ao n ongotaeka iroun te UEA ao kam na katotoonga Aberaam. Boni ngaia te b'a are kam ekeaki mai iai.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Ieremia 44:4

I aki toki ni kakanakoa Au burabeti ae Au tia m'akuri b'a e na taetae nako ia kaain Iuta ni kaota ribaakin aia bure aika a buakaka. A kauringaki irouia burabeti b'a a na katoka karaoan te bure,

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Ab'akuka 1:13

Ko aki kona n taraa te bure ma te buakaka. Ma ngaia are, tai tekateka ni kabuingoingo ngkai a kamaunaia aomata aika a raraoi riki nakoia.

Mataio 7:13

Kam na rin n te mataroa are wariki: b'a e warebwe te mataroa, ao e raababa te kawai are nako n te mate, ao a m'aiti akana rin ni mataroana.

Te Tua-Kaua 7:13

E na tangiringkami te UEA ma ni kakab'aiaingkami n anganingkami natimi, kanami, ami wain, ao b'aan te oriwa aika m'aiti. A na kariki buniia aika bati ami kao, ao ami nanai n tiibu ana karikiia tiibu teteei aikai bati naba.

1.Timoteo 6:11

Ao ngkoe, ae ana aomata te Atua, ko na kararoako mani baikai, ao ko na kataa ae ko kona, ni karaoa nanon te Atua, ni maiu n reitaki ma Ngaia, ni b'aina te kakaonimaki ma te maiu n tangira, ma te taotaonaki n nano, ma te nimamannei.

2.Timoteo 2:22

Ko na kararoako man naano ni kaib'ab'aru aika naano n rorobuaka n ataei; ao ko na kataa ae ko kona, ni karaoa nanon te Atua, ni b'aina te kakaonimaki, te tangira, ma te raoi; ko na karaoi baikai ni botaki ma te koraki aika m'anewea aran te Uea ma nanoia aika itiaki.