Taeka n Rabakau 15:8 - Te B'aib'ara

⁸ E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Taeka n Rabakau 15:8 ပူးပေါင်းရင်းမြစ်များ

2.Tamuera 15:12

Ao a roko riki aomata aika a m'aiti ni kaakawara Abetarom ma ni uataboa ana iango ni kam'arua. I nanon taai akanne, e a tia ni karaba ni kanakoa te tia uarongorongo b'a e na tuangiia aomata ni kabane ni kaangai, “Ngkana kam ongo tangin te buu ao kam na bane n takaarua ni kaangai, ‘E a uea ngkai Abetarom i aon Eberon!’ ”

1.Uea 3:10

Ao E taku te Atua: Toromon. I rangi ni kukurei ngkai ko buubutii i bukin anne. Ko aki buubutii i bukin kaananauani maium, ke karikakim b'a te kaub'ai.

1.Rongorongo 29:17

Ma ti kukurei b'a a tia aomata ni kabane n anganano ni baikai. Ko bon atai nanoia aomata ni kabane, ao ko boni kukurei ngkana a karaoa ae e raoiroi aomata nako.

Taian Areru 141:2

Butim'aea au tataro b'a kanga te karea ae boiarara, ao baiu aika tabekaki rake b'a kanga te karea n te tairiki.

Taian Areru 17:1

Te UEA, ko na ongora au bubuti i bukin am motikitaeka ae eti Anga taningam nakoni b'anaau ni kani buokaki! ae nako mai nanou ni koaua.

Taeka n Rabakau 10:24

Te b'ai ae a rangi n raraomaeakinna aomata aika a buakaka e na manga bon riki nakoia, ma aomata aika a raoiroi a na karekea te b'ai ae a rangi ni iaiangoia.

Taeka n Rabakau 15:29

E bon aki konaa n ongo te UEA aia tataro aika a buakaka, ma e kaekai aia tataro aika a ongotaeka i rouna ni kabane.

Taeka n Rabakau 15:7

A karekea te iango raoi taeka ni wanawana; bon akea nanon te b'ai ae a iangoia aomata aika a nanobaba.

Taeka n Rabakau 21:27

E aki tabeakin aia angab'ai aomata aika a buakaka ma aia iango aika a buakaka te UEA.

Taeka n Rabakau 21:3

Karaoan ae e raoiroi ao ae e riai e boni kakukureia riki te UEA nakon te angab'ai.

Taeka n Rabakau 28:9

E aki konaa ni kukurei te Atua n ongora aia tataro aika a aki ongotaeka nakon ana Tua.

Te Minita 5:1

Taratara raoi n te b'ai ae ko karaoia ngkana ko rin n ana Tembora te Atua. Iai tabeman aomata aika a nanobaba aika a nako ikekei n angakarea, e ngae ngkana bon akea aia bure. Ma e raoiroi riki ngkana ko ti kakauongo ngkana ko nako n taromauri.

Ana Anene Toromon 2:14

Bon au taobe ngkoe ae raba i buakon taiani b'a i rarikin katatin te aba. Kariaia b'a N na noora kanikanim! Kariaia b'a N na ongo b'anaam ae e tangiraoi.

Itaia 61:8

I tangira te motikitaeka ae eti Ngai ae te UEA! Ma I ririibaa te kimoa ao te motibuaka. au Aomata, I kamatoa au berita nakoimi b'a N na anganingkami kaniwangami te boraraoi ae akea tokina.

Itaia 66:3

Kam kareani taiani kaom'aane nako iu, ao kam tiriaomata; kam karean taian tiibu ataei nako iu ao kam karean taian kamea nakoia anti tabem'aang; kam karean taiani uita nako iu ao raraan taiani beeki nakon taian bouannanti; kam kabuoki b'ai ni kaboiarara nako iu ao kam neboi ami bouannanti. Kam a tia ni rinea are kam tangiria b'a kam na karaoia ni karaoi m'akuri aika a rangi n ribaaki aikai aika b'aai aika kam rangi n tangiri ni kan karaoi.

Ieremia 6:20

Kaain Iuta, kam uoti nako iu taiani b'ai ni kaboiarara mai Tieb'a ao b'ai ni kangkangian te am'arake man aaba aika a raroa. Kam karean aekaki ni man ni kabane. Ma e aera ngkai kam tabeaianga? I ribaai ami b'aintangira aikai ni kabane!

Taniera 9:23

Ngke ko a tib'a tabe ni kairoroa te Atua, ao e a kaekako naba. E tangiriko, ao ngaia ae I a roko n tuangko boon am tataro. Ao kakauongo raoi ngkana I kab'ara nanon te kaotioti.

Nakoaia Ibonga 7:18

Ngkana arona b'a e kanaki te am'arake n te katenibong, ao e na aki butim'aea ana karea te aomata anne te Atua. E na aki warekaki te karea anne b'a raoiroina, ma e na atongaki b'a kam'araana, ngkana iai ane e kanna, e na manga bon okiraki ni mwiina.

Mika 6:6

Tera uotau nakon te UEA ae Atuan karawa, ngkana I roko n taromauriia? E koaua b'a N na uotii kao ataei ma ni kabuokii b'a taiani karea nakoina?

Mika 6:7

E koaua b'a E na kukurei te UEA ngkana I uoti nakoina tiibu aika m'aane aika ngaa, ma b'aan te oriwa ae e bure baireana? E koaua b'a N na anganna moan natiu b'a au karea ni kab'arabure?

Akai 2:14

Ma ngaia are, e tuanga Akai te UEA b'a e na kaangai: Ao ai anne naba arona nakon te botannaomata ni kabane aei. A bane ni butim'aeaki b'aai nako aika ko karaoi ao b'aai nako naba aika ko karean nako iu.

Maraki 1:10

Tera ngke iai temanna ae e kaini mataroan au Tembora, b'a kam aonga ni katoka kabanebuakaan ami tai ni kauraa te ai i aon au baonikarea. I aki kukurei iroumi ngkami aika ibonga, a akea riki ami angab'ai ae N na manga butim'aia.

Ioane 4:24

Te Atua bon te Tamnei: ao akana taromauria e riai b'a a na taromauria ni m'aakan te Tamnei are Tabu, ao n aron are E tangiria.”