Taeka n Rabakau 15:6 - Te B'aib'ara

⁶ A rikirake ni marurung aomata aika a raoiroi, ma a na bua aia b'ai aomata aika a buakaka.

Taeka n Rabakau 15:6 ပူးပေါင်းရင်းမြစ်များ

Taian Areru 112:3

A na rangi ni kaub'ai man tetekeraoi, ao ana bon aki kona ni m'anuokaki i bukin aroia aika raraoi.

Taian Areru 37:16

E raoiroi riki te b'ai ae ti teutana, ae ana b'ai te aomata ae e raoiroi, nakon te kaub'ai ae bati, ae kaub'aia aomata aika buakaka.

Taeka n Rabakau 10:22

Ngkana e kakab'aiaingkami te UEA n taiani kaub'ai, ao bon akea te b'ai ae kam na raraomaeakinna.

Taeka n Rabakau 13:22

Ngkana kam ongotaeka iroun te Atua, ao a na iai ami b'ai tabeua aika kam na katikui i bukiia tibum. Ma ngkana kam aki ongotaeka iroun te Atua, ao ane a na manga anai b'aai ake kam katikui aomata aika a raoiroi maiuia.

Taeka n Rabakau 15:16

E raoiroi riki te ongotaeka iroun te UEA ma am b'ai aika ti tabeua, nakon te maiu ni kaub'ai ao te mangaongao ae e korakora.

Taeka n Rabakau 15:5

Kam na aki nanobaba ao n aki ongotaeka irouia am karo. Kawanawanaingkami! Kariaia kaetakimi.

Taeka n Rabakau 15:7

A karekea te iango raoi taeka ni wanawana; bon akea nanon te b'ai ae a iangoia aomata aika a nanobaba.

Taeka n Rabakau 16:8

E raoiroi karaoan ae e raoiroi ao kam kainano nakon ae kam aki karaoa ae e raoiroi ao kam kaub'ai.

Taeka n Rabakau 21:20

B'aina te iangoraoi ao kaikoa te kaub'ai aika a kakaawaki— kam na aki bakataei n ai aron te nanobaba.

Taeka n Rabakau 3:33

E kab'aka te karereanti i aon mwengaia aomata nako aika a buakaka, ma e kakab'aiai mwengaia aomata ni kabane aika a raoiroi.

Taeka n Rabakau 8:21

ao I anga taiani kaub'ai aika a korakora nakoia ni kabane aika a tangirai.

Te Minita 4:6

Ma e raoiroi riki te am'arake ae e uarereke ae e kanaki ma te rau nakon ae e uoua te tai okiokin are e reke mani mwiin te m'akuri ni kab'akanako tai ao bon kakiokioan te ang.

Ebera 11:26

E taku i nanona b'a te b'ai ae kakawaki riki te taetaebuakaki i bukin te Mesia nakoni kaub'ain Aikubita aika bati: b'a e tabe n iaiangoa te kaniwanga are e na anganaki n te tai ae na roko.