Taeka n Rabakau 15:5 - Te B'aib'ara

⁵ Kam na aki nanobaba ao n aki ongotaeka irouia am karo. Kawanawanaingkami! Kariaia kaetakimi.

Taeka n Rabakau 15:5 ပူးပေါင်းရင်းမြစ်များ

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

Taian Areru 141:5

E kona n oreai te aomata ae e raoiroi ma ni boaai i bukin nanona ni kan akoi, Ma I bon aki kona ni kariaia karineau mairouia akana buakaka, i bukina b'a I aki toki n tatataro b'a a na ekakinako aia m'akuri aika bubuaka.

Taeka n Rabakau 1:23

Ongora ngkana I boaingkami ma n tuangkami te b'ai ae I iangoia.

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 10:1

Aikai tabeua ana taeka n rabakau Toromon: A kakukureia aia karo ataei aika a iangoraoi, ma a karawaawataaki nanoia irouia ataei aika a nanobaba.

Taeka n Rabakau 13:1

A kariaia kaetakiia irouia aia karo ataei aika a iangoraoi, ma a aki tabe ma kaetakiia ataei aika a taningabono.

Taeka n Rabakau 13:18

A na bane n kainano ma ni kamaamaaeaki akana a rawa ni kaetaki; ao a na bane n neboaki akana a kukurei ni kaetaki.

Taeka n Rabakau 15:4

Bon taian b'ainaoraki taeka aika a raoiroi, ma taeka ni kewe a konaa ni kaikoaka te aomata.

Taeka n Rabakau 15:6

A rikirake ni marurung aomata aika a raoiroi, ma a na bua aia b'ai aomata aika a buakaka.

Taeka n Rabakau 19:20

Karekea inanom taian taeka n reirei kariaia kaetakimi, b'a kam aonga ni konaa ni maiu ma te iangoraoi.

Taeka n Rabakau 25:12

E raoiroi riki te ongora n taeka n reirei nakon taiani b'ai ni katamaroa aika koora.

Taeka n Rabakau 6:23

Bon te taura ana Tua te UEA, ao e oota n raaitiiti ana reirei. Te kaetaki ma tauan aromi i bon iroum boni ngaia are e na kairiko nakon te maiu.

Tito 1:13

E koaua te taeka aei. Ma ngaia ae ko na boaiia n te aro ae matoatoa, b'a a aonga n onimaki ni koaua,

Tito 2:15

Ko na taekini baikai, ao ko na kaungaia ma ni boaiia am aomata ni m'aakan nakoam. E na tai kakeaa bongam temanna.