Taeka n Rabakau 15:2 - Te B'aib'ara

² A roko taeka aika a wanawana mairouia aomata aika a wanawana, ma a taekinaki taeka aika a nanobaba mairouia aika a nanobaba.

Taeka n Rabakau 15:2 ပူးပေါင်းရင်းမြစ်များ

Taian Areru 45:1

E onrake atuu n taeka aika tamaroa ngkai I otea te kuna aio i bukin te uea. Ao N na kabongana b'anaau n ai aroni kabonganan te kai ni koroboki iroun te aomata ae rabakau ni koroboki.

Taian Areru 59:7

Ongora ni b'anaaia ni kamaraki nano. Ai aroni kabaang neweia i nanoni wiia, ao a taku n aia iango b'a akea ae e ongo b'anaaia.

Taeka n Rabakau 12:23

Kam na iangoraoi ao tai taekin b'aai ni kabane akana kam atai b'a bon taian nanobaba aika a touakina te aro n nanobaba nakon taabo nako.

Taeka n Rabakau 13:16

Ngkana iai iroum te iangoraoi, ao ko na bon karaoa te m'akuri ae e baaireaki raoi, ma a karaoi aia m'akuri n nanobaba aomata aika a nanobaba.

Taeka n Rabakau 15:23

E boni kakukureia aomata nako te anga te taeka n te tai ae e riai.

Taeka n Rabakau 15:28

A iango moa aomata aika a raoiroi i m'aain ae a kaeka, ma e taetae n akea ana iango ane e buakaka n taekin taeka aika a buakaka.

Taeka n Rabakau 15:7

A karekea te iango raoi taeka ni wanawana; bon akea nanon te b'ai ae a iangoia aomata aika a nanobaba.

Taeka n Rabakau 16:23

Kam konaa ni kairiia tabem'aang nakon nanom ngkana kam wanawana man taetae ma te iango raoi.

Taeka n Rabakau 5:2

E na bon riai n iai ana babaaire nanom, ao ko na bon riai n taai nako n ataia b'a tera ae ko riai n taekinna.

Te Minita 10:14

A aki konaa ni b'ara riaia, ma bon akea mai buakora ae e ataia b'a tera kanoan boong aika a na roko.

Te Minita 5:3

Ngkana ko kateimatoa iangoan te b'ai teuana, ao ane ko na miiakinna. Ngkana ko rangi ni b'arantiko ao ane e na bure te b'ai ae ko taekinna.

Itaia 50:4

E anganai te UEA ae te Atua taeka ni koaua i bukin kaungaan nanoia aika a mamaara. E katoa ingaabong ni kautai ao I tangiria n kamateb'aia ana reirei;