Taeka n Rabakau 15:12 - Te B'aib'ara

¹² Akana a b'ainingareia tabem'aang a rawa ni kaetaki, ao a na bon rawa ni buubuti buokaia mairouia akana a iangoraoi.

Taeka n Rabakau 15:12 ပူးပေါင်းရင်းမြစ်များ

2.Rongorongo 18:7

Ao e taku Aaba, “Ti konaa naba n titirakina te burabeti are Mikaia are natin Imra te m'aane, ma I ririiba Mikaia i bukin ana rongorongo aika buakaka n taai nako nako iu.” Ao e kaeka Ieotiab'ata, “Ko riai n aki taekina anne!”

Iobi 21:14

A tuanga te Atua aomata aika buakaka b'a e na katikuia i bon i rouia; a bon rawa ni kan ataa nanon te Atua i bukin maiuia.

Taeka n Rabakau 1:22

“Tao maanra riki ngkami ni kukurei ni maiumi ae e nanobaba? E aera ngkai kam aki katoka te kakaniko ma ngareakinan te rabakau?

Taeka n Rabakau 13:1

A kariaia kaetakiia irouia aia karo ataei aika a iangoraoi, ma a aki tabe ma kaetakiia ataei aika a taningabono.

Taeka n Rabakau 14:6

B'ainingarea te wanawana ao e na aki reke iroum. Ma ngkana iai iroum te ataib'ai, ao e na beebete rokon te rabakau.

Taeka n Rabakau 15:10

Ngkana kam rairaki man te kawai ae e raoiroi, ao kam na katuaaeaki; ngkana kam rawa ni kaetaki ao kam na mate.

Amota 5:10

Ngkami aika aomata kam ribaia ake a karaoa te motikitaeka ae riai ao n taekini taeka aika koaua n te bowi.

Ioane 7:7

Akea bukin ae kam na ribaaki iai irouia aomata nako; ma iai bukin ribakiu i rouia, b'a I aki toki n tuangiia b'a a bubuaka aia m'akuri.

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.