Taeka n Rabakau 14:6 - Te B'aib'ara

⁶ B'ainingarea te wanawana ao e na aki reke iroum. Ma ngkana iai iroum te ataib'ai, ao e na beebete rokon te rabakau.

Taeka n Rabakau 14:6 ပူးပေါင်းရင်းမြစ်များ

Taian Areru 119:18

Kaure matau, b'a I aonga n taratarai koaua aika kamimii akana i nanon am Tua.

Taeka n Rabakau 1:5

Ngkana kam'aa kaman wanawana, kam na manga wanawana riki. Ao ngkana kam birikatai, ao kam na manga rabakau n ataib'ai,

Taeka n Rabakau 14:5

E taekina te koaua te tia kakoaua ae e raoiroi; ma bon akea te b'ai ae e taekinna b'a ti te kewe te tia kakoaua ae e buakaka.

Taeka n Rabakau 14:7

Kararoaingkami mairouia nanobaba, b'a kam kaawa n aki rabakau te b'ai teuana.

Taeka n Rabakau 15:12

Akana a b'ainingareia tabem'aang a rawa ni kaetaki, ao a na bon rawa ni buubuti buokaia mairouia akana a iangoraoi.

Taeka n Rabakau 17:16

E aera ngkai e na iai aia m'ane nanobaba i bukin aia reirei ngkai a rawa n reirei?

Taeka n Rabakau 17:24

Ane e wanawana e ataia b'a tera bukin reken te iango raoi. Ma a aki konaa nanobaba ni karekea aia iango raoi.

Taeka n Rabakau 18:2

Bon akea nanoia aika a nanobaba ni kan reirei ma a rangi ni kan uotaarake aia iango.

Taeka n Rabakau 24:7

E rangi ni m'aiti te wanawana i bukiia nanobaba! Bon akea manenan taeka n reirei.

Taeka n Rabakau 26:12

Bon iai riki te kaantaninga iroun ae e nanobaba nakona ae ane e na kaangai temanna, “I rangi ni wanawana!”

Taeka n Rabakau 8:8

A bane n raoiroi baika I taekin, bon akea teuana mai buakoia ae e na kaairua ke na kam'aam'ane.

Taeka n Rabakau 8:9

“Ngkana iai iroumi te ataib'ai, ao ane kam na noori au taeka b'a boni b'aai raoi aika kam kainanoi.

Itaia 8:20

b'a tera ae e na karaoia.” Bon akea mai buakoia aika a konaa n taetae n aron anne ae e na maiu ma n noora ootan te bong!

Ieremia 8:9

A a tia ni katinanikui baika I taekin ami taani wanawana, ai ngaia are, akea wanawanaia. A riai ni kam'aneaki ngkai ma ni kamaamaaeaki; a aki ataa te b'ai ae a riai ni karaoia.

1.I-Korinto 8:2

Te aomata ane taku b'a e ata raoi te b'ai teuana, ao e bon tuai n ataia n ai aron are e riai n ataia;

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.