Taeka n Rabakau 14:12 - Te B'aib'ara

¹² Kam na taku b'a kam mena n te kawai ni koaua ao ngaia kam a toki n te mate.

Taeka n Rabakau 14:12 ပူးပေါင်းရင်းမြစ်များ

1.Uea 12:26

Ao e tabe ni iango Ieroboam n te bong teuana ao e taku, A teimatoa ni babane nako Iteraera nakon te Tembora are i Ierutarem man anga aia karea nakon te Uea. E na bon riki b'a te kaangaanga teuana ngkana a manga moana aia kakaonimaki nakon Tawita. A na tiringai man riki b'a ana aomata Roboam b'a aia uea.

1.Uea 12:28

Ao e bubutiia taan iango b'a a na buokia n tuanga arona, ao i mwiina, e a karaoi uoua taiani kaoteteei aika koora. E kaoti nakoia aomata ao e taku, “Kakauongo aomata ni kabane. Kam a riai n aki manga nako Ierutarem n taromauri. Ao aikai atuami ake a kamaiungkami mai Aikubita.”

Taeka n Rabakau 12:15

A taku aomata aika a nanobaba b'a e raoiroi maiuia, ma e kakauongo raoi nakon taeka n reirei te aomata ae e iangoraoi.

Taeka n Rabakau 16:25

N tabetai te b'ai ae e taraa n raoiroi bon te kawai nakon te mate.

Taeka n Rabakau 30:12

ao tabeman a taku n aia iango b'a a rangi n raoiroi, ma a kam'araaeaki n aia bure.

Ruka 13:24

Kakorakoraingkami b'a kam na rin n te mataroa are wariki; b'a I taku nako imi b'a a bati aika ukoukora te kan rin iai, ma a aki kona.

I-Rom 6:21

Tera te bae kam karekea ngke kam karaoi ngkoa baike kam mamaa iai ngkai? B'a tokini baikekei te mate.

I-Karatia 6:3

B'a ngkana e taku temanna n ana iango b'a e kakannato, ngke e bon aki, ao e burebureia.

I-Ebeto 5:6

E na tai m'am'anaingkami temanna n taeka aika akea bonganaia: b'a e roko unin te Atua i bukini baikai i aoia aomata aika aki ongeaba nakoina.

Iakobo 1:22

Kam na aki m'am'anaingkami n iangoia b'a ti taan ongora ngkami n ana taeka te Atua; ma kam na riki b'a taan toua mwina.