Taeka n Rabakau 13:9 - Te B'aib'ara

⁹ E teimatoa uran ana taura te aomata ae e raoiroi; ma e waekoa ni mate ana taura te aomata ae e buakaka.

Taeka n Rabakau 13:9 ပူးပေါင်းရင်းမြစ်များ

1.Uea 11:36

ma e na teimatoa natin Toromon te m'aane n tautaekana teuana te baronga. Ao e na teimatoa iai ana kariki Tawita are au tia m'akuri n tautaeka i Ierutarem, te kaawa are I tia n rineia b'a te tabo are N na taromauriakaki iai.

Iobi 21:17

E koaua b'a e na aki mamate ana taura te aomata ae buakaka? E koaua b'a bon akea temanna mai buakoia ae na aki bo ma te kangaanga? E koaua b'a e na aki orea te aomata ae buakaka te Atua ni kamarakin nanona,

Iobi 29:3

Ngke e kakab'aiaai iai te Atua ni kaota Ana taura i aoni kawaiu. E kairirai Ana taura i buakon te roo.

Taian Areru 112:4

Ai aron te oota ngaia ae oota n te roo i bukiia akana raoiroi; E b'ab'aina te nanoanga ma te ataataiaomata ma te eti.

Taian Areru 97:11

E oota raoiroin te Atua b'a kanga ootan te taura i aoia ana Aomata aika raoiroi; Ao e karika te kim'areirei nakoia.

Taeka n Rabakau 13:10

E karika te kangaanga te kamoamoa ae e korakora. Kaiangoraoiko ao kaawakin reireiam.

Taeka n Rabakau 13:8

A na kabooa kamaiuaia aomata aika a kaub'ai, ma bon akea ana kangaanga te aomata ae e kainano

Taeka n Rabakau 20:20

A na roko n aban te rotongitong i m'aain rokon aia tai, naati aika a kamaraiaia aia karo.

Taeka n Rabakau 24:20

A na waekoa ni bua kaanga uran te taura ae e toki urana.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Etekiera 32:7

N na kaona karawa ni kabutaa ma taian itoi n taian nang aika a matenten, b'a a aonga n toki ootan taai ma nam'akaina.

Warekaia Iteraera 27:4

are e na kateimatoa aran ana utu. Ma e aera ngkai e nang kamaunaaki arana i bukina ngkai akea natina te mm'aane? Kam na anganiira naba abara n ai aroia ara koraki tabem'aang i nanon ara kaainga, b'a e aonga n teimatoa ni maiu aran tamara.

Mataio 22:13

E taku te uea ngkanne nakoia tooro, Kabae baina ma waena ao tewea nako nanon te roo are i ao, are te tabo ike a na tang iai aomata n tenai riaia b'a kaotan ae a rotaki n te maraki ae korakora.

Mataio 25:8

Ao a taku nake a nanobaba nakoia nake a wanawana, “Kamai teutana n ami b'a, b'a a kani mate ara taura.”