Taeka n Rabakau 13:7 - Te B'aib'ara

⁷ A bakaaea te maiu ni kaub'ai, tabem'aang aika akea aia b'ai ma a bakaaea te maiu ni kainano, tabem'aang aika a m'aiti aia b'ai.

Taeka n Rabakau 13:7 ပူးပေါင်းရင်းမြစ်များ

Taeka n Rabakau 11:24

Kam konaa n riki ni kaub'ai n te tai teuana ngkana kam ataataiaomata ke n riki ni kainano ngkana kam nanonrang.

Taeka n Rabakau 12:9

E raoiroi riki ngkana boni kaangai naba ngkami b'a ti temanna ami tia m'akuri nakon ae kam na iangoia b'a kam rangi ni kakannato ao kam a mate ni baki.

Taeka n Rabakau 13:11

E na waekoa ni bane teutana i mwiin teuana te m'ane ae e reke n tiaki angana; te m'ane ae e reke teutana i mwiin teutana e na bon rikirake man rikirake.

Taeka n Rabakau 13:8

A na kabooa kamaiuaia aomata aika a kaub'ai, ma bon akea ana kangaanga te aomata ae e kainano

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

Ruka 12:21

“Anne aron te bae na riki nakon te aomata ae kaiko b'aai i bukina ngke e ataaki iroun te Atua b'a e aki kaub'ai.”

Ruka 12:33

Kam na kabo nako ami b'ai, ao anga m'aneia b'a b'ai n tituaraoi nakoia akana akea aia b'ai; kareke ami b'auti-ni-m'ane aika na aki riki ni m'ane, ma baika kakawaki aika na aki kona ni bane i karawa, ike e aki rooroko iai te tia iraa, ao e aki ururu b'aai iai te koa.

1.I-Korinto 4:8

Kam a kaman rauaki! Kam a kaman riki b'a kaub'ai ngkami! Kam a tia n riki b'a uea, ao ngaira b'a aomata aika akea wareia. Kam bia bon riki b'a uea ngkami, b'a ti aonga n uea naba ma ngkami.

2.I-Korinto 4:7

Ma iai i roura ngaira aika ai aroia m'angko taano, te b'ai ae kakawaki aei, b'a e aonga n ataaki b'a te m'aka ae korakora boni m'aakan te Atua, ao tiaki m'akara.

2.I-Korinto 6:10

ngke ti taonaki n te rawawata n nano, ma ti aki toki ni kukurei; ngke ti riki b'a kanga aomata aika akea aia b'ai, ma ti karikirakei aroia aomata aika bati b'a a na kaub'ai; ngke ti riki b'a ai aroia akana akea aia b'ai, ma ti b'aini b'aai nako.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

2.Betero 2:19

A tuangiia b'a a na inaomata, ma ngaiia bon ana toro te buakaka ae kamamate: b'a e toronaki te aomata iroun ane kataenikaiaki i rouna.

Te Kaotioti 2:9

I ata rawawatam ma aki-kaub'aim; ma ko boni kaub'ai! I ata taetaebuakaam irouia ake a taku b'a I-Iutaia ngaiia, ao bon tiaki, ma bon ana botaki n aomata Tatan!

Te Kaotioti 3:17

Ngkai ko kaangai: I kaub'ai, ao a kabatiaki au b'ai, ao I aki kainano n te b'ai teuana; ao ko aki ataiko b'a te aomata ae e kai nanona ngkoe, ao ko kananoanga; ko aki kaub'ai, ko mataki, ao akea karabaam.