Taeka n Rabakau 13:25 - Te B'aib'ara

²⁵ Ngkana e raoiroi maiumi, ao e na rawata kanam; ao ngkana e aki raoiroi maiumi, ao ane kam na nako ma akea uotam.

Taeka n Rabakau 13:25 ပူးပေါင်းရင်းမြစ်များ

Taian Areru 34:10

A kona raian ataei ni baki b'a akea kanaia, ma akea te b'ai ae e raoiroi ae na aki reke irouia akana ongeaba iroun te UEA.

Taeka n Rabakau 10:3

Ngkana kam ongotaeka iroun te UEA ao kam na bon aki konaa ni baki, ao ngkana kam buakaka, ao e na bon aki anganiko te Atua te b'ai ae kam tangiria

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.

Taeka n Rabakau 6:11

Ni karokoa a karina ni bua b'aai nako, kaanga ai aron ae e a tia n anaaki iroun te tia kimoa ae e uab'ai n tiritiri.

Te Tua-Kaua 32:24

Kam na oreaki n te baki ao taian aoraki ae kamaamate, ao n aia boitin maan aika kawakawa aika aki manana ao aia boitin taian naeta.

2.I-Tetaronike 3:10

B'a ngke ti mena i roumi, ao ti tuangngkami ae kangai, “Ngkana e aki kani m'akuri temanna, ao ke e tai am'arake.”

Taeka n Rabakau 24:34

Ao ane e na karina n oreiko te maiu ni kainano ao a na biri nako b'aai ni kabane!

Taian Areru 37:16

E raoiroi riki te b'ai ae ti teutana, ae ana b'ai te aomata ae e raoiroi, nakon te kaub'ai ae bati, ae kaub'aia aomata aika buakaka.

Taian Areru 37:3

Onimakina te UEA, ao karaoa ae raoiroi; Ko na maeka ma te rau raoi i aon te aba.

Te Tua-Kaua 28:48

ao ane na kanakoia ami kairiribai b'a a na buakaningkami ma n anai ngkami b'a aia taenikai. Ao i mwiina, kam na maeka ni kainano b'a akea kanami ma nimami, ke kunnikaimi, ao a na kam'akuringkami ami toka n te m'akuri ae rawaawata ni karokoa matemi.

Ruka 15:14

Ngke a bane ana b'ai, ao e roko te rongo ae korakora n te aba arei, ao e a rotaki n te kainano.

Taian Areru 103:5

E anganganiko baika raraoi ni bongini maium, B'a e aonga n teimatoa marurungin rab'atam kanga ai aron te ikare.

Taian Areru 132:15

N na kakab'aia Tion ni karekei nakoina b'aai ni kabane aika e kainanoi; N na kanuaia n te am'arake ana aomata akana kananoanga.

Taeka n Rabakau 13:18

A na bane n kainano ma ni kamaamaaeaki akana a rawa ni kaetaki; ao a na bane n neboaki akana a kukurei ni kaetaki.