Taeka n Rabakau 13:22 - Te B'aib'ara

²² Ngkana kam ongotaeka iroun te Atua, ao a na iai ami b'ai tabeua aika kam na katikui i bukiia tibum. Ma ngkana kam aki ongotaeka iroun te Atua, ao ane a na manga anai b'aai ake kam katikui aomata aika a raoiroi maiuia.

Taeka n Rabakau 13:22 ပူးပေါင်းရင်းမြစ်များ

Etira 9:12

Ao ti a tia ni kauringaki b'a ti na aki kariaia natira aine, ao natira m'aane b'a a na mare ma natiia m'aane ao natiia aine. A tuangiira naba am burabeti b'a ti na aki buokiia Ianena akekei, ke ni kamaekaia ma te rau. Ko tangirira b'a ti na rikirake ni korakora ao ni kukurei ni b'aai aika a tamaroa n te aba aei, ao n te tai teuana a na tiku nakoia natira n aki toki.

Taian Areru 102:28

A na maiu ma te rau natira, ao i aan am tararua a na kawakinaki raoi aia kariki iroum.

Taian Areru 112:2

A na riki ni kakannato ana bakatibu i aon te aba, i bukina b'a e kakab'aiaia akana kakaraoa ae eti.

Taian Areru 128:6

E na teimatoa maium b'a ko aonga n noriia tibum! E na mena te rau i aoia Iteraera!

Taian Areru 37:25

I a kara ngkai; I a tia ni maiu n te tai ae ananau, Ma I tuai n nora te aomata ae e raoiroi ni kitanaki iroun te UEA, Ke n noriia natina b'a a bubuti kanaia.

Taeka n Rabakau 17:6

A kakatonga aia karo tamaia ma tinaia irouia tibuia, ao a na riai ni kakatonga naati irouia aia karo.

Taeka n Rabakau 28:8

Ngkana ko kareerekea am m'ane man kabuuburaan am raka, ao ane e na bua ni kabane nakon temanna ae e tararuaia aika a maiu ni kainano.

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.