Taeka n Rabakau 13:21 - Te B'aib'ara

²¹ Kam ukoukora te kangaanga ngkana kam bure, ma kam na anganaki kaniwangami ngkana kam maiuakina te raoiroi.

Taeka n Rabakau 13:21 ပူးပေါင်းရင်းမြစ်များ

Taian Areru 32:10

Ane a na taonaki n te rawaawata aomata akana buakaka; Ma a na kawakinaki raoi akana onimakina te UEA n ana tangira ae teimatoa.

Taeka n Rabakau 13:13

Ngkana ko aki butim'aea ana reirei te Atua ao ane ko na kab'aka boona; ngkana ko ongotaeka nakon ana kaetieti nako, ao ane ko na anganaki kaniwangam.

Taian Areru 140:11

Kakionakoia taani kewe aikai! Ke a kam'aneaki ni kab'akaaki n taiani kaangaanga.

Warekaia Iteraera 32:23

Ma ngkana kam aki kakoroa bukin ami berita, ao kam na bure iai nakon te UEA, ao kam na katuaaeaki.

Karikani B'aai 4:7

Tiaki ko na boni kukurei ngke ko boni karaoa ae e raoiroi? Ma i bukina ngke ko a tia ni karaoa ae buakaka, ao e aoraia te bure i matan am mataroa. E kan tautaekaniko, ma ko riai n tokanikai i aona.”

M'akuri 28:4

Ngke a nora te naeta n tinetine ni baini B'auro, ao a i taetae irouia kaain te tabo arei, ni kaangai, “Bon te koaua b'a te tia tiritiri te aomata aei: b'a e ngae ngke e reke maiuna mai tari, ma e aki kariaia antin te kaetitaeka b'a e na maiu.”

Taian Areru 54:5

E na karawawataia taan ribaai, i bukin aia m'akuri aika buakaka. Te Atua, Ko na kamateia i bukina ngkai Ko kakaonimaki.

Taeka n Rabakau 11:31

Ngkana a anganaki kaniwangaia aomata aika a raoiroi i aon te aonnaba aei, ao a na bon katuaaeaki aomata ni kabane aika a iowawa man teinibaba.

Taeka n Rabakau 17:13

E na teimatoa n reereke iroumi te kangaanga ngkana kam karaoa ae e aki raoiroi nakoia aika a raoiroi nakoim.

Itaia 47:11

Ma e na oro te kabuanib'ai n akea te katauraoi ao a na aki konaa ni buobuoki m'aakan am tabunea.

Taeka n Rabakau 24:16

E ngae ngkana b'aka aomata aika a raoiroi itiua te tai, ana manga bon teirake naba, ma ngkana e oreaki te aomata ae e buakaka n te kabuanib'ai ao ai bon anne naba tokina.

Etekiera 7:5

Bon akea te aekaki ni kabuanib'ai ae e nang roko aei.