Taeka n Rabakau 13:16 - Te B'aib'ara

¹⁶ Ngkana iai iroum te iangoraoi, ao ko na bon karaoa te m'akuri ae e baaireaki raoi, ma a karaoi aia m'akuri n nanobaba aomata aika a nanobaba.

Taeka n Rabakau 13:16 ပူးပေါင်းရင်းမြစ်များ

Taian Areru 112:5

E a kab'aia te aomata ae tituaraoi ae kariaia aomata b'a a na tangoi ana b'ai, ao e aki b'aina te babakanikawai.

Taeka n Rabakau 14:33

E reke te wanawana inanoia aomata aika a iangoraoi, ma a aki ataa aei aika a nanobaba.

Taeka n Rabakau 15:2

A roko taeka aika a wanawana mairouia aomata aika a wanawana, ma a taekinaki taeka aika a nanobaba mairouia aika a nanobaba.

Taeka n Rabakau 18:2

Bon akea nanoia aika a nanobaba ni kan reirei ma a rangi ni kan uotaarake aia iango.

Taeka n Rabakau 21:24

Ngkana kam kainikatonga ao kam kamoamoa, ao ane a na atongko aomata ni kaangai, “Te kakan rietaata!”

Te Minita 10:13

A moana aia waaki nanobaba man te aki iango raoi, ao e toki nanorooia n te kabuanib'ai.

Te Minita 10:3

A kaoti nanorooia aomata aika a nanobaba n aroia ni maeka; e rang ni beebete kinakiia b'a akea kanoan aia iango.

Itaia 52:13

E taku te UEA: E na tootokanikai au tia m'akuri! E na anganaki taian nebonebo aika a kakannato ao taian karinerine aika rangi n rietaata.

Mataio 10:16

Noria, I kanakoingkami b'a kaanga tiibu i buakoia kameaanti; ma ngaia are kam na wanawana n ai aroia naeta, ao kam na nimamannei n ai aroia taobe.

I-Rom 16:19

B'a e ataaki aromi n ongeaba nakon te UEA irouia aomata ni kabaneia, ao aei bukin ae I kim'areirei iai i bukimi. Ma I tangiringkami b'a kam na wanawana n ata te bae raoiroi, ao kam na nano roo nakoni karaoan te bae buakaka.

1.I-Korinto 14:20

Taari, kam na tai b'aina te nano n ataei; ma kam na riki b'a merimeri nakon te buakaka, ao kam na b'aina te nano n ikawai.

I-Ebeto 5:17

Ma ngaia ae kam na tai baba, ma kam na ata ae tangiraki iroun te UEA b'a e na karaoaki.

1.Tamuera 25:17

Taiaoka ma kareerekea riki am iango iai ao karekea am iango b'a tera ae ko na karaoia nako iai. E konaa n riki te b'ai aei b'a rokon te kangaanga nakon ana toka ao kaain ana utu ni kabane. Bon te aomata ngaia ae e raarawa n tuangaki arona, ao bon akea ae e konaa n ongo i rouna!”

1.Tamuera 25:25

I butiiko b'a ko na aki tabe ma Nab'ara, b'a bon akea manenana! Ao bon anne nanon arana: te nanoroo! I aki mena ikekei ngke a roko am taani m'akuri teuae ko karineaki.