Taeka n Rabakau 12:5 - Te B'aib'ara

⁵ A iango n akoi aomata aika a raoiroi, ma kam na bon aki onimakina ana reirei te aomata ae e buakaka.

Taeka n Rabakau 12:5 ပူးပေါင်းရင်းမြစ်များ

Taian Areru 119:15

N na kamateb'aia am Tua, ao N na nenera am Taeka.

Taian Areru 139:23

Te Atua, ko na kekera nako arou, ao ataa nanou, Ko na kataai, ao kunei au iango.

Taeka n Rabakau 11:23

A tangiri b'aai aika a rangi n tamaroa aomata aika a raoiroi, ma a iaiangoa kateirakean te kakiriwe aomata aika taan iowawa.

Taeka n Rabakau 12:4

Bon te atiibu ae e tamaroa nakon buuna te ainenum'a ae e i buobuoki ma te ainenum'a ae e kamamaaea buuna e na bon kamkaa riin buuna.

Taeka n Rabakau 12:6

Te reirei ae e buakaka bon te kainikab'aru ae e kamaamate, ma te reirei ae e raoiroi kaanga ai aron te otanga.

Taeka n Rabakau 14:8

Akea aia kangaanga aomata aika a wanawana ngkana a kakaaea kawaia, ma a waekoa ni bua aomata aika a nanobaba.

Taeka n Rabakau 24:9

Bon akea ae e tangiriia nanobaba aika akea aia iango aika a ti iangoi kawai nakon te bure.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Ieremia 9:3

Ao E kaeka te UEA: Taeka ni kewe mai nanon wiia au aomata ti te bo ma taian kanoanikatebe ma te kainikatebe. Are a rikirake maiai aia m'akuri n aonikai ngaiia n tatabemaniia nako, n te aro are bon akea temanna mai buakoia e kakoaua ae te Atua Ngai.

Ieremia 9:5

A kakuaia i bon irouia, ni kakaea te anga teuana ae e boou ni keweia raoraoia.

Mataio 2:16

Ngke e ataia Erote b'a e a tia ni m'am'anaaki irouia taan rabakau, ao e rangi n un. E kanakoa ana taeka b'a a na bane n tiringaki ataei aika mm'aane i Betereem ma kaawa ake i rarikina ake kaka uoua aia ririki i bukina ngke e a tia n ataia mairouia taan rabakau b'a e a tia ni koro uoua te ririki man te tai are a moa n nora iai te itoi.

Mataio 26:4

ao a karekei aia iango b'a a na kam'anea n taua Iesu n te aro ni karaba, ao a na kamatea.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.