Taeka n Rabakau 12:4 - Te B'aib'ara

⁴ Bon te atiibu ae e tamaroa nakon buuna te ainenum'a ae e i buobuoki ma te ainenum'a ae e kamamaaea buuna e na bon kamkaa riin buuna.

Taeka n Rabakau 12:4 ပူးပေါင်းရင်းမြစ်များ

Taeka n Rabakau 11:22

Te aine ae e tikiraoi ae karaoa ana m'akuri te nanobaba kaanga ai aron te m'am'a te koora i aon b'airin te beeki.

Taeka n Rabakau 12:5

A iango n akoi aomata aika a raoiroi, ma kam na bon aki onimakina ana reirei te aomata ae e buakaka.

Taeka n Rabakau 14:1

E tei raoi ana utu te aine n rabakauna, ma e konaa ni uruaki arona n nanobabana.

Taeka n Rabakau 14:30

Ko na marurung raoi ngkana e rau nanom, e konaa ni kaningkami te aki rau n nano.

Taeka n Rabakau 18:22

Kaub'ain te m'aane ae e rangi ni kakaawaki boni buuna— bon te b'aintituaraoi mairoun te UEA.

Taeka n Rabakau 21:19

E raoiroi riki te mena i nanon te rereua nakon te mena n te mwenga ma te ainenum'a, ae e meremere ma ni ngurengure.

Taeka n Rabakau 21:9

E raoiroi riki te maeka i tinaniku i taubukin te auti nakon te maeka i nanon te auti ma te ainenum'a ae e meremere n taai nako.

Taeka n Rabakau 30:23

Te aine ae e rangi n ribaaki ae a manga reke buuna, te toro te aine ae a manga onea mwiin te aine are ana toka.

Taeka n Rabakau 31:29

“A m'aiti aine aika a raoiroi ma bon te kabanea n raoiroi ngkoe mai buakoia!”

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

1.I-Korinto 11:11

E boni ngae n anne, ma n te maiu n i raorao i nanon te Uea, ao e bon riai iroun te mm'aane b'a e na iai te aine i rarikina, ao iroun te aine b'a e na iai te mm'aane i rarikina.

1.I-Korinto 11:7

B'a e bon aki riai n rabunaki atun te mm'aane, ngkai katotongan ao mimitongin te Atua; ma te aine boni mimitongin te mm'aane.

Ruuta 3:11

Ko na tai raraoma Ruuta, N na karaoi b'aai ni kabane akana ko tuangai, b'a a bane kaain te kaawa n ataiko b'a te aine ngkoe ae e raoiroi aroarom.