Taeka n Rabakau 12:22 - Te B'aib'ara

²² E ribaia taani kewe ni kabane te UEA ma bon raoraoia aomata ni kabane aika a onimakinaki.

Taeka n Rabakau 12:22 ပူးပေါင်းရင်းမြစ်များ

Taian Areru 5:6

Ko kamaunaiia taani kewekewe Ko ribaa te tiritiri, ao te tia kam'anea te aba.

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.

Taeka n Rabakau 11:20

E ribaia aomata aika a uaraoia aomata UEA, ma e tangiriia aomata nako akana a maiuakina te raoiroi.

Ieremia 9:24

Ngkana kam tangiria ni kamoamoaingkami, ao kam iango raoi riki ngkana kam kamoamoaa taromauriakiu, Ngai ae te UEA. Te b'ai ae I tangiria riki bon kaotan te akoi te motikitaeka ae eti, ao te nanoanga nako ia aomata ni kabane n te aonnaba.

Itaia 9:15

Bon atuuia taan tautaeka, ao bukibweeia bon taiani burabeti ni kewe.

Taeka n Rabakau 11:1

E ribaia aomata nako te UEA aika a b'anganikewe, ma e tangiriia aomata aika a b'ab'aina te koaua.

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Etekiera 13:19

A tuangiia aomata b'a a na uoti rekenibaia tabeua te abuta te b'are ao uoua taiani kariki, ao ngaiia a na anganiia taian rongorongo aika a kamamaaeai. A kabongana te kewe ni motikitaekaia aika a akea aia bure nakon te mate ao a buokiia taani bure n anganiia te inaomata. Ao a kakoauaaki irouia aia aomata!

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

1.Uea 13:18

Ao e taku te burabeti are e a kara, “Bon te Burabeti naba ngai. E tuangai ana anera te UEA b'a n na kairiko nakon au auti ma n anganiko te am'arake ma te mooi.” Ao e aki ataia te burabeti mai Iuta are e kewe te burabeti are e a kara,

Taian Areru 120:2

“Te UEA, kamaiuai mairouia taani kewe ma taani m'am'anaa te aba.”

Taeka n Rabakau 17:7

E taraa n nanobaba te taetae ae e iangoaki raoi iroun te nanobaba, ma e a rangi n buakaka riki ngkana e b'aina te kewe te tia tautaeka.