Taeka n Rabakau 11:9 - Te B'aib'ara

⁹ A uarao aomata aika a buakaka n uruana aroia kaain rarikiia; a kaawakinaki aomata aika a raoiroi n oin aia iangoraoi.

Taeka n Rabakau 11:9 ပူးပေါင်းရင်းမြစ်များ

1.Uea 22:6

Ao e weteia 400 burabeti ao e titirakiniia ni kaangai, “N na buakaniia kaain Turia i Ramota ke N na aki?” Ao a taku taiani burabeti, “Eng, ko na buakanna, ao E na buokiko te UEA ni kataenikaiia.?”

Iobi 34:30

E na bon akea te b'ai ae a na kona ni karaoia botannaomata n totokoia taan karawawataia aomata ake akea atuaia man aroia n tautaeka i aoia.

Iobi 8:13

Ai aroia maunei aikai aomata aika akea atuaia, n te tai are a m'aninga iai taekan te Atua.

Taian Areru 55:12

Ngke tao aiau ae b'ainingareai, ao I kona n taotaona nanou; Ao ngke tao te tia ribaai ae kamoamoaa nako iu, ao I kona ni karabaai mai rouna.

Taeka n Rabakau 11:6

E konaa ni kaawakiningkami te maiu ae e raoiroi, ma ngkana kam aki konaa n onimakinaki, ao kam bon kam'aneingkami i bon iroumi.

Taeka n Rabakau 11:8

E katuanakoia ana aomata te UEA te kangaanga ao e oroia aika a buakaka.

Taeka n Rabakau 16:29

Kam na aki onimakiniia aomata aika a tiritiri. Ane a na bon kairiko nako ni karaoa te b'ai ae e aki raoiroi.

Mataio 7:15

Kam na kawakiningkami mairouia burabeti ni kewe, akana nako imi ni bakaaea te nimamannei kaanga ai aroia tiibu, ma bon aroia kameanti aika tiritiri ni koaua uakekei.

Mareko 13:14

“Ngkana kam nora te ‘Baere Kakamaaku’ b'a e tei n te tabo are e riai n aki mena iai.” Ke e ataia ane wareware b'a e na ota raoi n nanon aei! “Ao akana mena i Iutaia n te tai arei, ke a biri nako nakoni maunga.

M'akuri 20:30

ao ane a na kaoti aomata tem'angina mai buakomi ao a na atongi baika b'aoua, b'a a aonga ni katikiia ake a onimaki b'a raoia.

1.Ioane 2:21

N na aki koroboki nako imi ngke kam aki ata te koaua; ma I koroboki b'a kioina ngkai kam ata te koaua, ao ngkai bon akea te kewe n te koaua.

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.