Taeka n Rabakau 11:7 - Te B'aib'ara

⁷ E mate naba aia kaantaninga aomata aika a buakaka ngkana a mate.

Taeka n Rabakau 11:7 ပူးပေါင်းရင်းမြစ်များ

Iobi 11:20

Ma a na taratara nako aomata aika buakaka ni kakaea buokaia, ao a na kunea b'a bon akea te kawai are a na biri nako iai. Ti teuana aia kantaninga b'a kakantaningaan te mate.

Taian Areru 112:10

A nora aio akana buakaka ao a un iai mani kangkantii bukini m'angaia: ao a bua naba nanoia; E aki koro bukin aia kaantaningaia.

Taian Areru 146:4

Ngkana a mate, ao a okira te tano; n te bong are a mate iai, ao a mauna baike a tia n iaiangoi.

Taeka n Rabakau 10:28

Ngkana kam ongotaeka iroun te UEA, ao kam na kukurei, ma bon akea kanoan aia bong aika a na roko aomata aika a buakaka.

Taeka n Rabakau 10:29

E kaawakiniia ni kabane aomata aika a maiuakina te raoiroi te UEA, ma e uruana aroia akana a karaoa ae e bure.

Taeka n Rabakau 11:8

E katuanakoia ana aomata te UEA te kangaanga ao e oroia aika a buakaka.

Taeka n Rabakau 14:32

A uruanaki aroia aomata aika a buakaka n tain te kangaanga; ma e bon teimatoa naba n onimaki ane akea ana bure n tain te mate.

Etekiera 28:9

Ko na bon teimatoa naba n taekinna b'a te atua ngkoe ngkana ko aitara ma aiam? A na buakaniko, ao ko na maraki kaanga aroia aomata tabem'aang.