Taeka n Rabakau 11:23 - Te B'aib'ara

²³ A tangiri b'aai aika a rangi n tamaroa aomata aika a raoiroi, ma a iaiangoa kateirakean te kakiriwe aomata aika taan iowawa.

Taeka n Rabakau 11:23 ပူးပေါင်းရင်းမြစ်များ

Taian Areru 10:17

Te UEA, Ko na ongo aia buubuti akana mangori; ao Ko na kakorakorai nanoia.

Taian Areru 119:10

I kekeiaki n toro iroum ma nanou ni koaua; Kawakinai man riaoan am Tua.

Taian Areru 119:5

Bon au kaantaninga b'a N na kakaonimaki n tauu am Tua!

Taian Areru 27:4

Teuana te b'ai ae I butia iai te UEA, ae te b'ai ae I tangiria: b'a N na maeka n ana auti ni kabanea bongini maiu, ni mamatakuakina kamimiin raoiroina, Ao ni bubutiia ana kairiiri.

Taian Areru 37:4

Karaoa ae E tangiria te UEA, Ao E na anganiko te b'ai ae e tangiria nanom.

Taeka n Rabakau 10:28

Ngkana kam ongotaeka iroun te UEA, ao kam na kukurei, ma bon akea kanoan aia bong aika a na roko aomata aika a buakaka.

Taeka n Rabakau 11:24

Kam konaa n riki ni kaub'ai n te tai teuana ngkana kam ataataiaomata ke n riki ni kainano ngkana kam nanonrang.

Taeka n Rabakau 11:7

E mate naba aia kaantaninga aomata aika a buakaka ngkana a mate.

Taeka n Rabakau 12:5

A iango n akoi aomata aika a raoiroi, ma kam na bon aki onimakina ana reirei te aomata ae e buakaka.

Taeka n Rabakau 13:2

Kam na anganaki kaniwangami ngkana kam taekin taeka n akoi tabeua, ma a iangoa aron te iowawa ma te maiubuaka ni kabane tabeman aomata.

Itaia 26:9

E kakaaeko nanou inanou ngke e bong, i bukina ngke e kaotaia aomata nako n te aonnaba aei aron maiuia ae e eti.

Ieremia 17:16

Ara UEA, Ko rineai b'a N na kaawakiniia Am aomata, ao bon anne te b'ai ae I a tia ni karaoia. Ko atai b'aai ni kabane aika I a tia n taekin, ao bon akea te tai teuana ae I butiiko iai b'a Ko na katuaaia iai.

Mataio 5:6

A a kab'aia akana b'aruua te raoiroi mani kani mooi iai b'a a na ngae.

Ebera 10:27

ma ti te tiku ma te maaku n tataninga rokon te motikitaeka ma te ai ae ura m'aka, ae na kamaunaia ana kairiribai te Atua.