Taeka n Rabakau 11:12 - Te B'aib'ara

¹² Bon te nanobaba taekinan b'aai aika a buakaka i bukiia kaain rarikimi. Ngkana kam iangoraoi, ao kam riai n aki kakarongoa.

Taeka n Rabakau 11:12 ပူးပေါင်းရင်းမြစ်များ

2.Uea 18:36

A tia n tuangaki Eriakim ma Tebena, ao Ioa iroun te uea ae Etekia b'a a na aki kaekaekaa mataniwiin te taanga ni buaka mai Aturia.

Taeka n Rabakau 10:19

Ane e na kaairua ami rongorongo ngkana kam rangi ni kabatia ami b'arantiko ma ngaia ae, kam riai n iango raoi ma n taratara raoi n te b'ai are kam taekinna.

Taeka n Rabakau 11:11

Ngkana e kakab'aiaia ana aomata te Atua, ao e riki ni korakora aia kaawa. Ma e konaa ni uruana aron te kaawa te tia kam'ane n ana kewe.

Taeka n Rabakau 11:13

E taekin b'aai ni kabane te maningongoo, ma te rao ni koaua e kaawakina te b'ai ae e karabaaki.

Taeka n Rabakau 14:21

Bon te kaairua ae kam na ribaia tabem'aang, ma e kakab'aiaia aomata nako te Atua akana a akoi nakoia aika a maiu ni kainano.

Taeka n Rabakau 6:32

Ma ngkana ko matu ma buun te m'aane temanna, ao ko na bon uruana arom ni uaan am nanobaba.

Ruka 16:14

A ongo baikekei ni kabane B'aritaio ake a baki m'ane, ao a kakanikoa Iesu.

Ruka 18:9

E taekina naba te rongorongo ni kabotau aei Iesu nakoia tabem'aang ake a taku i nanoia b'a a raoiroi, ao a kakeai bonganaia aomata nako:

1.Betero 2:23

Ngke E taetaebuakaki, ao E aki kabooa n te taetaebuaka naba; ngke E kamarakaki, ao E aki taetae b'a E na kareke kaiia ake a kamarakia; ma E kaaki taekana nakon Teuare motiki raoi taeka.

Tani Motiki-taeka 9:38

Ao e taku Tebura, Tera manenan am taeka ni kamoamoa? Bon temanna ngkoe ae ko taku b'a e aki riai Abimereka ni uea i aon Tekem. Ao arei te taanga ni buaka ake ko b'ainingareia.

1.Tamuera 10:27

Ma a taku tabeman aomata aika nanobaba aika akea maneia, “E na kanga Tauro ni kamaiura mairouia ara kairiribai?” A aki tangiria b'a e na uea Tauro i aoia, ao a aki uoti naba taiani b'aintangira nako ina. Ma e taotaona nanona Tauro.